YEHEZKIEL 48:21 - Alkitab Singog In Mongondow Masa In Tanaa

^21-22 Butá kon dotá in toyopan bo kon dotá in pomukaan nongkon butá inta ain sinantú inta sinadia kon poposindogan in Baḷoi Tuhan, kon imang mita, intau in Lewi bo kotá tatua, in ogoi kon mongongawasa inta nomarenta. Kon dotá in pomukaan butá tatua noibontang nodapot kon pinosigadan kon dotá in pomukaan, bo kon dotá in toyopan nodapot kon Dagat Toyuak, bo noiḻitú kon sigad in butá in Yohuda bo butá in Benyamin.

YEHEZKIEL 48:21 Mawu Ofanana

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

YEHEZKIEL 48:10

Kon yuak in butá tatua poposindogan in Baḷoi Tuhan. Imang mita in mustibí mokouḻí kon tonsilai nongkon butá inta motusi tatua. Tonsilai monia in mogatut bo doyowa nopuḷú boḻima noribu nometer nongkon popodnea kon dotá in pomukaan nopobayá in toyopan, bo ḻima nopuḷú noribu nometer nongkon dotá in utuan nopobayá ná toḷatan.

YEHEZKIEL 48:20

Dá, bayongan in butá tatua, noitakin doman in butá inta ain sinantú bo butá inta pomiaan kon kotá, notonggopat ukurannea in mogatut bo doyowa nopuḷú boḻima noribu nometer kon batúan in sínea.

YEHEZKIEL 48:8

Tonsilai noiduduimai nongkon butá tatua musti poyotondíon kon inta sinantúdon kon pakéon. Kobanatnea in mogatut bodoyowá nopuḷú boḻima noribu nometer nongkon sigad kon utuan nodapot kon toḷatan. Sigad mita kon dotá in pomukaan bo toyopan mustibí motongkai in kobanatnea takin tonsilai mita inta inogoi kon suku mita in Israel. Baḷoi Tuhan in posindogon kon tonsilai tatua.

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!