YEHEZKIEL 47:5 - Alkitab Singog In Mongondow Masa In Tanaa

⁵ Komintanpa doman in sia nogukur kon ḻima nogatut nometer, bo kon tua tubignea in noiḻiudon in ḻinow ḷoḷanan in sioḷ. Aka intau moibog in intau ḷumoḷan yo mustibí in sia ḷumanguy.

YEHEZKIEL 47:5 Mawu Ofanana

YESAYA 11:9

Kon Sion, Buḷud Motusi i Allah, diábí in moraat andeka momoguyaat. Dunia naa in mopuḻingbí in sinotaau soaḷ ki Allah, naonda bo tubig momuḻing kon dagat.

YEHEZKIEL 47:4

Onda intua sia nogukur kon ḻima nogatut nometer bui, bo kon tua tubignea in nodapot kon duḷud. Sia in nogukur bui kon ḻima nogatut nometer, bo tubignea kon tua in noidapotdon in ogotan.

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 7:9

Nopaḷut mako kon tua akuoi in nokoontongpa bui kon intau inta modamaḷ totok, diádon tobatúmai in intau in mokoiyap kon kobayongnea tua. Mosia tua in intau mita inta nongkon bayongan bangusa, suku, negara bo bahasa. Mosia in sinimindog kon tayowon in tampat pomomarentaan tatua bo kon tayowon i Adí in Domba. Mosia komintan nogiḷambung in jubah nobudó bo kokada-kadai doman tanga in kayu palem.