YEHEZKIEL 47:19 - Alkitab Singog In Mongondow Masa In Tanaa

¹⁹ Pinosigadan kon dotá in toḷatan mopobayá in barat daya, nongkon Tamar nopobayá in bokaká in Kades-Meriba, bodongka nopobayá ná barat laut kinoouput in pinosigadan Mesir nodapot kon Dagat Toyuak.

YEHEZKIEL 47:19 Mawu Ofanana

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

DATU MITA IMITÁNEA 9:18

Baalat, Tamar kon padang gurun Yohuda,

TAWARIKH 2 20:2

Dá namangoidon in intau nodia kon habar tanaa kon i Datu Yosapat, “Nobayong totok in tontara in Edom in namangoi nongkon ḷoḷan in Laut Mati sin monubu kon i Tuang. Mosia in nogagowdon kon Hazezon-Tamar.” (Hazezon-Tamar in tangoi ibanea in En-Gedi.)

MAZMUR 81:7

“Ininggamáan-Kudon in onu inta pinotaanmu, bo noḷuat doman kon karansi inta sinombuḻiganmu.

YESAYA 27:12

Kon dodai intua ki Tuhan in mosipun kon bangusa-Nea kon batúannea nongkon Ongkag in Eprat nodapot kon pinosigadan in Mesir. Sia in mopotondíbí kon i monia naonda bo intau inta mopotondí kon batoḷ in gandum nongkon kepanea.

YEHEZKIEL 47:10

Nongkon bokaká mita in tubig kon En-Gedi nodapot kon bokaká mita in tubig kon En-Eglaim, bingkínea mita in moramebí in mododomok mita kon toyá inta mogilad kon ḷaḷa monia kon tua. Noyagi-yagimai in toyá in oyúonbí in kon bonu in tubig tatua, naonda bo inta kon bonu in Dagat Toyuak.

YEHEZKIEL 47:15

Sigad kon dotá in utuan in pinangkoi kon Dagat Toyuak nopobayá in pomukaan nodapot kon kotá in Hetlon, nopobayá ná Hamat, turus nopobayá in kotá in Zedad,

YEHEZKIEL 48:28

Kon dotá in toḷatan butá i Gad oyúon in pinosigadan inta pinangkoi nongkon barat daya Tamar moitaḻib in bokaká in Kades-Meriba, bo nopobayá ná barat laut kinoouput in pinosigadan Mesir nodapot kon Dagat Toyuak.

PINOGIAPAN 20:1

Kon buḷan imitánea bayongan umat Israel nodapot kon padang gurun Zin bo nogutun notantú kon Kades. Ki Miryam minatoi bo iḷobong kon tua.

PINOGIAPAN 20:13

Tuata in bokaká in tubig Meriba. Kon tampat tatua intau mita in Israel nongunsingog kon i Tuhan, bo kon tua doman ki Tuhan nopoontong in kawasa-Nea inta motusi kon bangusa tatua.

PINOGIAPAN 34:3

Kon toḷatan, sigadnea pangkoion kon padang gurun Zin tumaḻib mongin Edom. Kon dotá in pomukaan sigadnea pinangkoi kon popod in toḷatan Laut Mati,

PINOGIAPAN 34:5

Kon tua momurow mopobayá ná ḷopá kon pinosigadan in Mesir bo nodapot kon Dagat Toyuak.

ULANGAN 32:51

Kamunda in diá motoindudui kon i-Nakó bo diá nohoromat kon i-Nakó kon tayowon in bangusa Israel kon dodai in moiko kon bokaká in Meriba, kon diug in kotá Kades, kon padang gurun Zin.

ULANGAN 33:8

Bo kon suku i Lewi ki Musa in noguman: “Takin Urim bo Tumim pinoniata-Mu in ibog-Mu, pinongin intau in Lewi, mogogundoi-Mu inta mosatia. Iko nonungkuḷdon kon i monia kon Masa, bo nobobayowan monia kon bokaká in Meriba.

YOSUA 12:3

Noitakin doman in butá Ḷopá in Yordan kon dotá in pomukaan, nongkon Danow Galilea nopobayá ná toḷatan nodapot kon Bet-Yesimot (kon dotá in pomukaan kon Laut Mati), minayá turus kon sipangkoion in Buḷud in Pisga.