YEHEZKIEL 47:16 - Alkitab Singog In Mongondow Masa In Tanaa

¹⁶ nopobayá in Berota bo Sibraim (kotá mita tatua in noiukat kon sigad in kotá in Damsyik bo kotá in Hamat), onda intua nopobayá in kotá in Hazar-Enan, kon pinosigadan in kotá in Hauran.

YEHEZKIEL 47:16 Mawu Ofanana

KINOBAḺIAN 14:15

Kon tua ki Abram nopoyosilai in intaunea mita kinolo-kolompó, bo dongka nonubu kon musung kon dodai in doḷom bo nonaḷow kon i monia. Sia in nogaḷow kon i monia nodapot kon Hoba kon dotá in utuan kotá in Damsyik.

SAMUEL 2 8:8

Koḻikud intua nogamá doman in ki Daud kon bitú inta mobayong totok nongkon Betah bo Berotai, kotá mita inta koḻipod kinawasa i Hadadezer.

DATU MITA IMITÁNEA 8:65

Kon Baḷoi Tuhan tatua ki Salomo bo bayongan umat in Israel nomia kon rame Pondok Daun pitu nosinggai in koonggotnea. Totuu mobarong in intau inta noyosipun kon tua. Mosia in namangoi nongkon butá Hamat kon utuan nodapot in pinosigadan in Mesir kon toḷatan.

TAWARIKH 1 18:5

Intau in Siria nongkon Damsyik nopotabá in tontara sin mobantung kon i Datu Hadadezer, táe sinaḷow i Daud in mosia bo noyompat kon 22.000 in intau.

YESAYA 10:9

Inagowku in kotá mita in Kalno bo Karkemis, Hamat bo Arpad. Inagowku doman in kotá mita in Samaria bo Damsyik.

YEHEZKIEL 27:18

Intau in Damsyik in notaḷui kon pakakat pinodagangmu bo inta nouḻímu mita bo inuboḻian monia in anggur nongkon Helbon, bubuḷ in domba nongkon Sahar, uatoi bo toyokayu mita.

YEHEZKIEL 47:17

Dá sigad kon dotá in utuan in pinangkoi nongkon Dagat Toyuak nodapot kon dotá in pomukaan, kon kotá in Hazar-Enan; dá butá in Damsyik bo Hamat in kon dotá in utuan pinosigadan tatua,

YEHEZKIEL 47:18

Pinosigadan kon dotá in pomukaan nopobayá ná toḷatan, nongkon tampat tobatú kon sigad in butá in Damsyik bo butá in Hauran. Dá Ongkag in Yordan in nobaḻí sigad in butá in Israel kon dotá in toyopan bo Gilead kon dotá in pomukaan, nodapot kon Tamar kon pintad in Laut Mati.

YEHEZKIEL 47:20

Pinosigadan kon dotá in toyopan sinompid in Dagat Toyuak, bodongka nopobayá ná utuan kon tampat tobatú kon dotá in toyopan daḷan tumuot in Hamat.

YEHEZKIEL 48:1

Pinosigadan in butá kon dotá in utuan sinimiḷanggó ná pomukaan, pinangkoi kon Dagat Toyuak nopobayá in kotá in Hetlon, daḷan tumuot kon Hamat, kotá in Hazar-Enan, nodapot kon pinosigadan kon sigad in kotá in Damsyik bo kotá in Hamat. Suku mita noiduduimai naa in kon batúannea musti mokouḻí kon tongosilai nongkon butá inta inumoḷad nongkon pinosigadan kon dotá in pomukaan nopobayá ná toyopan nodapot kon Dagat Toyuak, nopipid ná noiduduimai naa nongkon utuan nopobayá ná toḷatan: Dan Asyer Naptali Manasye Epraim Ruben Yohuda

AMOS 6:14

Ki Tuhan Inta Totok in moḷantud bo Inta Totok in mokawasa tua in noguman tontaní, “Umat in Israel, Akuoi in mopotabábí mangoi in tontara nongkon bangusa tobatú ango-angoi sin monubu kon butámu. Mosia in mopororigabí kon i monimu nongkon daḷan mopobayá in Hamat kon utuan modapot kon Ḷopá in Araba kon toḷatan.”

ZAKHARIA 9:2

Hamat inta noyosigad in Hadrakh in ki Tuhan doman in kitogi, natua doman in kotá mita in Tirus bo Sidon takin bayongan kototaau in intaunea.

PINOGIAPAN 13:21

Dá nobuatdon in intau mita tatua nopobayá ná utuan bo nonaridi kon butá tatua pinangkoi nongkon padang gurun Zin kon dotá in toḷatan nopobayá ná utuan nodapot kon kotá in Rehob, nodiug kon daḷan mayá in Hamat.

PINOGIAPAN 34:8

bo nongkon tua mopobayá in Daḷan Hamat, bo tumurus mayá in Zedad

OUMAN IN RASUL MITA 9:2

bo noigum kon surat kawasa kon inia sin diaannea kon majelis mita in Yahudi inta kon Damsyik, sinbá aka sia in mokodungkuḷ kon intau mita kon tua inta mopirisaya kon i Tuhan Yesus, yo sia in motaau modomok kon i monia bo diaan pobayá in Yerusalem.