YEHEZKIEL 47:10 - Alkitab Singog In Mongondow Masa In Tanaa

¹⁰ Nongkon bokaká mita in tubig kon En-Gedi nodapot kon bokaká mita in tubig kon En-Eglaim, bingkínea mita in moramebí in mododomok mita kon toyá inta mogilad kon ḷaḷa monia kon tua. Noyagi-yagimai in toyá in oyúonbí in kon bonu in tubig tatua, naonda bo inta kon bonu in Dagat Toyuak.

YEHEZKIEL 47:10 Mawu Ofanana

KINOBAḺIAN 14:7

Nopaḷut mako kon tua intau mita inta nogaḷow tua nobuidon bui kon En-Mispat inta masai naa sinangoiandon Kades. Mosia in nopotungkud kon bayongan intau kon butá in Amalek poḷat nonaḷow kon intau in Amori inta nogutun kon Hazezon-Tamar.

TAWARIKH 2 20:2

Dá namangoidon in intau nodia kon habar tanaa kon i Datu Yosapat, “Nobayong totok in tontara in Edom in namangoi nongkon ḷoḷan in Laut Mati sin monubu kon i Tuang. Mosia in nogagowdon kon Hazezon-Tamar.” (Hazezon-Tamar in tangoi ibanea in En-Gedi.)

MAZMUR 104:25

Indoiaidon in dagat inta nooḷad noibontang, takin mahaḷuk inta moḷoben mointok diá koiapan.

YESAYA 19:8

Mododomok mita kon toyá inta biasamai modomok kon ongkag tatua in momaḷú bo mogamui popisí in kail bo ḷaḷa monia in diádon in mangaḻenea. Mogogaboḷ mita koinggamáandon in kamang;

YESAYA 49:12

Nongkon moyayú umat-Ku in moroangoi, nongkon dotá in utuan, toyopan bo Sinim kon toḷatan.”

YESAYA 49:20

Adí mita inta pinononggadí kon pinoḷumbúan in mogumanbí kon inimu, ‘Butá tanaa in mosisídon totok kon inakó, ogoiaidon in tampat sinbá akuoi motaaudon mogutun kon naa.’

YEHEZKIEL 26:14

Taḷaan-Ku in dongka bidon batu noḷogat, pogogiladan kon landará in mododomok mita kon toyá. Kotá tatua in diá bidon posindogon bui. Akuoi ki Tuhan Inta Totok in moḷantud ain nosingog.”

YEHEZKIEL 26:5

Intau mododomok mita kon toyá in mogiladon kon landará monia kon tudu in batu tatua. Akuoi ki Tuhan Inta Totok in moḷantud ain nosingog. Tirus in mobaḻíbí kokaanon in mobayong in bangusa.

YEHEZKIEL 47:15

Sigad kon dotá in utuan in pinangkoi kon Dagat Toyuak nopobayá in pomukaan nodapot kon kotá in Hetlon, nopobayá ná Hamat, turus nopobayá in kotá in Zedad,

YEHEZKIEL 47:19

Pinosigadan kon dotá in toḷatan mopobayá in barat daya, nongkon Tamar nopobayá in bokaká in Kades-Meriba, bodongka nopobayá ná barat laut kinoouput in pinosigadan Mesir nodapot kon Dagat Toyuak.

YEHEZKIEL 48:28

Kon dotá in toḷatan butá i Gad oyúon in pinosigadan inta pinangkoi nongkon barat daya Tamar moitaḻib in bokaká in Kades-Meriba, bo nopobayá ná barat laut kinoouput in pinosigadan Mesir nodapot kon Dagat Toyuak.

PINOGIAPAN 34:6

Dagat Toyuak in nobaḻí sigad in butámu kon dotá in toyopan.

MATIUS 4:19

Ki Yesus noguman kon i monia: “Koḻigai, duduidon kon i-Nakó, sinbá moiko in baḻíon-Kudon mololandará kon intau.”

MARKUS 1:17

Ki Yesus in noguman kon i nayadua, “Duduidon kon i-Nakó, bá baḻíon-Kudon in moiko mololandará kon intau.”

YOSUA 23:4

Butá mita in bangusa inta kinotaḷáanpa, ná doman tua in butá in bayongan bangusa inta ain sinaḷowku, tuata in butá inta nosimbanat nongkon dotá in pomukaan kon Ongkag in Yordan nopobayá ná toyopan nodapot kon Dagat Toyuak, bayongan intua aindon sinilaiku kon inimu sin mobaḻí kapunyaanmu.

SAMUEL 1 24:1

Nongkon tua in ki Daud minayá in butá En-Gedi, bo nogadop kon angob mita.