YEHEZKIEL 46:15 - Alkitab Singog In Mongondow Masa In Tanaa

¹⁵ Pomuḷoi in doḷo-doḷom, musti umuran posumba kon i Tuhan: ki adí in domba tobatú, kuruban gandum bo ḷana in zaitun.”

YEHEZKIEL 46:15 Mawu Ofanana

IḶUAIAN 29:38

“Pomuḷoi in singgai iko musti umuran mopokuruban kon tudu in mezbah tatua domba doyowa inta umur totaong.

IḶUAIAN 29:42

Duduiannea kon tua sigaḷa zaman, kuruban tubáan tatua musti posumba kon tayowon-Ku kon ngara in Ḷoḷaigan-Ku. Kon tuata in Akuoi mokipodungkuḷ kon umat-Ku bo mopoyaput in tosingogon kon inimu.

PINOGIAPAN 28:6

Tuata in kuruban payongon notantú inta muna totok posumba kon Buḷud in Sinai. Ronginginea mokosanang kon gina i Tuhan.

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.