YEHEZKIEL 45:8 - Alkitab Singog In Mongondow Masa In Tanaa

⁸ Butá tatua in nobaḻí kapunyaan in mongongawasa inta nomarenta kon butá in Israel, sinbá diádon in sia mondorot bui kon umat-Ku, táe mobogoidon in butá inta noiḻiu tua mobaḻí kapunyaan in suku mita in Israel.

YEHEZKIEL 45:8 Mawu Ofanana

AMSAL 28:16

Mongogawasa inta mondorot kon intau ibanea, diábí koraian inta mopia; mongogawasa inta doí kon inta motombogá in momarentabí kon taongannea.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEHEZKIEL 19:3

Ki adínea tobatú in dinidiknea bo sinundúnea motayak kon kokaanon. Dá nobaḻídon in sia singa inta noḷoben mododomok bo mokokaan kon intau.

YEHEZKIEL 19:7

Dinding mita dinangatannea, kotá mita pinoguyaatnea. Bayongan intau kon dunia noondokdon in nokodongog kon ganggornea inta moḷangon.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 22:6

Bayongan in itoi in Israel mopongata in ropotnea tontaní bo moḻimod.

YEHEZKIEL 46:18

Pongawasa tatua in diábí motaau in mogamá kon topiḻikmai in kapunyaan budel in rayatnea. Tongábí butánea tontaní in motaau ogoinea kon i adínea mita ḷoḷaki dá diábí tobatúmai in umat-Ku in motaau potondíon nongkon kapunyaannea.”

ZEPANYA 3:13

Intau in Israel inta kiagatnea, diá bidon mogaid bui kon inta moraat kon i inekabí; mosia in diá bidon monguboḷ bui bo diá bidon bui mongakaḷ. Mosia in mobiag bidon motomoman bo motompia, bo diá bidon angoian in ondok kon i inekadon.”

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!

YOSUA 11:23

Bayongan in butá tatua inagow i Yosua pinodudui kon parenta i Tuhan kon i Musa, bo inogoi kon intau in Israel nobaḻí kapunyaan monia. Butá tatua in sinila-silai, bo batúan in suku nokouḻí kon tongosilai. Bangusa Israel nogogaidon noparang bo butánea in noaman bo nobiag notompia.

YOSUA 19:49

Naonda in umat Israel nopaḷut nosilai kon butá kon tua, mosia nobogoi kon i Yosua adí i Nun tongosilai in butá sin mobaḻí kapunyaannea.