YEHEZKIEL 45:18 - Alkitab Singog In Mongondow Masa In Tanaa

¹⁸ Ki Tuhan Inta Totok in moḷantud in noguman kon umat-Nea, “Kon singgai imitánea kon buḷan imitánea doman, moiko in mustibí mopotusi in Baḷoi-Ku takin moposumba in sapi koḷakian batánea tobatú inta diá in bogitnea.

YEHEZKIEL 45:18 Mawu Ofanana

IḶUAIAN 12:2

“Buḷan tanaa nobaḻí buḷan dungkuḷ kon batúan taong.

IḶUAIAN 40:2

“Posindogdon in Ḷoḷaigan-Ku kon tanggal imitánea kon buḷan dungkuḷ.

YEHEZKIEL 43:19

Tongábí imang buí i Zadok nongkon suku Lewi in motaau mamangoi in tayowon-Ku sin mopobayá in oaidan pogundoian. Akuoi, ki Tuhan Inta Totok in moḷantud in nomarenta nokiaid intua. Ogoidon kon i monia in sapi koḷakian tobatú inta batáneapa sin pokuruban potobut kon dosa.

YEHEZKIEL 43:20

Gamádon in dugúnea topiḻik bo popoḻepo kon tungoi mita inta kon siku mita in mezbah tatua, bo kon sikunea opat inta kon dotá in bonunea takin doman sí in mezbah inta noiḻibu. Natuata in pogogaidmu mopotusi in mezbah tatua bo tondíonmudon kon i-Nakó.

YEHEZKIEL 43:22

Mopoikoḷomai kon singgai iko in musti moposumba in bembé koḷakian tobatú inta diá in bogitnea mobaḻí kuruban potobut kon dosa. Potusidon in mezbah tatua takin dugú in bembé, ná pinogogaidmu kon dugú in sapi koḷakian batánea tatua.

YEHEZKIEL 43:23

Aka mopaḷutdon aidanmu intua, gamádon in sapi koḷakian tobatú batánea bo bembé koḷakian tobatú batánea, tumpaḷa diá in bogitnea,

YEHEZKIEL 43:26

Pitu nosinggai in koonggotnea imang mita in musti mogaid kon upacara ponoimpaḷutan kon mezbah tatua bo moposadia sinbá motaau pakéon.

YEHEZKIEL 45:20

Aidai doman natua in kon singgai impitunea kon buḷan tatua, bo kon batúan in intau inta ain nogaid kon dosa takin diá sinumontuon andeka popisí in diá kinotaauannea. Aid natua in moponiata kon moiko in noḷukad kon kototusi in Baḷoi-Ku.

YEHEZKIEL 46:1

Ki Tuhan Inta Totok in moḷantud in noguman, “Bonawang dotá in pomukaan inta nopobayá in palas kon bonunea in mustibí umuran ḻingkopan kon bonu in onom nosinggai pogaidan. Bonawang tatua in tongábí motaau bukatan kon singgai in Sabat bo kon poramean kon singgai Moḷoben Buḷan Mobagu.

IMAMAT 16:16

Natuata in pogogaid aka mondarit kon Yuang Totok Motusi nongkon kinonajisan in bangusa Israel bo bayongan dosa monia. Ḷoḷaigan i Tuhan musti daritan sin noitoyuak kon ḷoḷaigan in bangusa Israel bo kinotugatan in kinonajisan monia.

IMAMAT 16:33

bo momia kon upacara pondaritan kon Yuang Totok Motusi, tampat mita ibanea nongkon Ḷoḷaigan i Tuhan, mezbah, imang mita bo bayongan umat Israel.

IMAMAT 22:20

Dika moposumba in mahaḷuk inta nobogit, sin ki Tuhan doíbí motarima kon tua.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.

PETRUS 1 1:19

táe dugúbí inta totok in momahaḷ, tuata in dugú i Kristus inta pinodugú naonda bo dugú in ki adí in domba inta diá nobogit ande diá pinaḻi-paḻían. Sia pinokuruban kon i Allah.