YEHEZKIEL 45:17 - Alkitab Singog In Mongondow Masa In Tanaa

¹⁷ Siabí inta musti motaḷui kon bobiagon inta pakéon kon kuruban payongon bo bahan mita inta mobaḻí kuruban gandum bo kuruban anggur kon bayongan in bangusa in Israel kon singgai mita moḷoben, Singgai moḷoben Buḷan Mobagu, singgai mita in Sabat bo singgai mita moḷoben ibanea. Sia in mustibí moposadia in kuruban potobut kon dosa, kuruban gandum, kuruban payongon, bo kuruban podamean sin mopoigum in ampung kon bangusa in Israel.”

YEHEZKIEL 45:17 Mawu Ofanana

SAMUEL 2 6:19

Bodongka nosilai kon kaanon kon i monia komintan. Bayongan in intau inta kon tua, ḷoḷaki andeka bobay inogoiannea in ponoyá tumongo bonsig inta inangag, roti bo kukis kismis. Nopaḷut mako kon tua nobuidon in mosia kon baḷoinea-baḷoinea.

TAWARIKH 2 30:24

Ki Datu Hizkia in nobogoi in sapi koḷakian 1.000 bo domba 7.000. Pogawai mita i Hizkia nobogoi in sapi koḷakian 1.000 bo domba 10.000. Bayongan in biag mita tatua inogoi kon rayat sin ratáan bo kaanon. Nobayong totok in imang in nopotusi in awak.

TAWARIKH 2 31:3

Nongkon bobiagonnea tontaní ki datu in nobogoi in biag mita inta pakéon kon kuruban payongon pomuḷoi in doḷo-doḷom bo ḷoḷabungnea, bo kuruban inta posumba kon singgai in Sabat, kon poramean Buḷan Mobagu, bo kon poramean mita ibanea ná inta sinantú kon bonu in hukum mita i Tuhan.

TAWARIKH 2 5:6

Ki Datu Salomo bo bayongan in rayat in Israel noyosipun kon tayowon in Poti Dodandian tatua bo noposumba kon i Tuhan in domba bo sapi inta diádon koiapan in kobayongnea.

EZRA 1:5

Noiduduimai kon tua tongguḷu mita in inanakan nongkon suku i Yohuda bo i Benyamin, imang mita bo intau mita in Lewi, bo kon batúan in intau inta pinopogonúan i Allah, nonouḷut sin mobui kon Yerusalem bo moposindog bui in Baḷoi Tuhan.

MAZMUR 22:29

Sin ki Tuhanbí inta kitogi kawasa, Sia in nomarenta kon bangusa mita.

MAZMUR 68:18

Takin puḷúan ribu in kereta inta moropot ki Allah in sinimindog kon yuak monia kon bonu in kamuliaan-Nea.

YESAYA 66:23

Pomuḷoi in buḷan mobagu bo pomuḷoi in singgai in Sabat bayongan in intau in mamangoibí sin mosumba kon i-Nakó kon Yerusalem.

YEHEZKIEL 43:27

Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

YEHEZKIEL 46:1

Ki Tuhan Inta Totok in moḷantud in noguman, “Bonawang dotá in pomukaan inta nopobayá in palas kon bonunea in mustibí umuran ḻingkopan kon bonu in onom nosinggai pogaidan. Bonawang tatua in tongábí motaau bukatan kon singgai in Sabat bo kon poramean kon singgai Moḷoben Buḷan Mobagu.

IMAMAT 4:27

Aka intau biasa tobatú diábí sinumuod nogaid kon mokodosa poḷat noiḻimpat kon atorang i Tuhan tobatú,

PINOGIAPAN 29:29

Kon singgai noginggonom posumbadon in sapi koḷakian batánea waḷu, domba koḷakian doyowa, adí in domba mopuḷú bo opat inta umur totaong, komintan inta diá in bogitnea.

YOHANES 1:16

Moḷoben totok in tabi-Nea; diá in gogainea Sia in momarakat kon i naton.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

IBRANI 13:10

Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.