YEHEZKIEL 45:11 - Alkitab Singog In Mongondow Masa In Tanaa

¹¹ Tongo epa in pogukuran kon inta noingkag tua in mustibí motongkai in bonunea in tongo bat inta pogukuran kon inta notontubig. Patokannea in musti tongo homer. Dá ukuran mita tatua in mustibí nanaa: Tongo homer notongkai in mopuḷú no epa notongkai in mopuḷú no bat.

YEHEZKIEL 45:11 Mawu Ofanana

DATU MITA IMITÁNEA 7:26

Kobunod in bejana tatua in 75 nomili. Bingkínea in naonda bo bingkí in galas inta binoyuk ná ḷuai naonda bo bungang inta nosokar. Bonu in bejana tatua in degá 40.000 noliter.

IḶUAIAN 16:36

Ukuran barang inta biasamai pakéon intau tungkuḷ intua, bonunea doyowa nopuḷú noliter.)

YESAYA 5:10

Bungai in pinomuḷa diá mopia, gobá in anggur inta koḷobennea mopuḷú nohitare tongá kouḻían kon mopuḷú noliter in tubig in anggur. Mogatut noliter in bibitnea tongá kinouḻían kon mopuḷú noliter in gandum.”

PINOGIAPAN 11:32

Tosinggai tua, bo tonggobii monag bo tumongo singgai bui kon singgai moidudu-duduimai, intau mita modomokmai kon ḷagapan pepekow tatua takin pia in gina. Pomuḷoi intau modomok kon ḷagapan inta kobogatnea totok moonag in tumongo ribu nokilo. Ḷagapan mita tatua iladon monia kon ḻibumai in pinononḷoḷaigan sinbá moingkag.