YEHEZKIEL 45:10 - Alkitab Singog In Mongondow Masa In Tanaa

¹⁰ Pakédon in pononimbangan bo pogogukuran inta mobanar:

YEHEZKIEL 45:10 Mawu Ofanana

AMSAL 11:1

Ki Tuhan in doíbí kon intau inta mopomaké in simbangan inta motombogá táe mopia in gina-Nea kon intau inta mopomaké in pononimbangan inta moitutui.

AMSAL 16:11

Ibogon i Tuhan intau mokopotuḻid kon gina aka modagang, ná doman tua in mopomaké in ukuran bo simbangan.

AMSAL 20:10

Simbangan bo pogogukuran inta motombogá kinodoíbí i Tuhan.

AMSAL 21:3

Oaid inta moadil bo mobanar in mokosanang totok kon gina i Tuhan moiḻiu kon bayongan in sosumba.

YESAYA 5:10

Bungai in pinomuḷa diá mopia, gobá in anggur inta koḷobennea mopuḷú nohitare tongá kouḻían kon mopuḷú noliter in tubig in anggur. Mogatut noliter in bibitnea tongá kinouḻían kon mopuḷú noliter in gandum.”

ULANGAN 25:13

Dika monguboḷ takin momaké in pononimbangan bo ukuran inta diá totuu.

ULANGAN 25:15

Paké in pononimbangan bo ukuran inta moitutui sinbá moumur in kobiaganmu kon butá inta inogoi i Tuhan Allahmu kon inimu.