YEHEZKIEL 45:1 - Alkitab Singog In Mongondow Masa In Tanaa

¹ Kon tungkuḷ in butá tatua diápa silaion mobaḻí butá budel kon batúan in suku, yo mustibí tontaníon in tongosilai kon i Tuhan. Butá tatua in kobanatnea in musti mopuḷú bodoyowá noribu bo ḻima nogatut nometer, bo kooḷadnea in mopuḷú noribu nometer. Komintan butá tatua in sinantú motusi.

YEHEZKIEL 45:1 Mawu Ofanana

AMSAL 3:9

Horomat in ki Tuhan pongin moposumba kon i-Nia in inta mopia totok nongkon bayongan kapunyaanmu bo nongkon bungai in pinomuḷamu,

YEHEZKIEL 42:16

Nopomaké in tungkud pogogukurnea inukurnea in sínea kon dotá in pomukaan: doyowa nogatut bo ḻima nopuḷú nometer.

YEHEZKIEL 48:29

Ki Tuhan Inta Totok in moḷantud in noguman, “Natuata in butá tatua musti sila-silaion kon suku mita in Israel.”

IMAMAT 25:23

Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

PINOGIAPAN 34:13

Ki Musa noguman kon bangusa Israel, “Tuata in butá inta bain tarimaanmu podudui in undi, butá inta podudui in parenta i Tuhan in musti silaion kon siow bo tobotak in suku bangusa Israel.

YOSUA 13:6

Noituot doman in bayongan butá in intau in Sidon, inta nogutun kon buḷud kon sigad in buḷud mita in Libanon bo Misrepot-Maim.” “Bayongan in bangusa tatua in poguntunon-Kubí komintan, kon dodai in bangusa Israel monubudon kon i monia,” Guman i Tuhan noidudui kon i Yosua. “Butá tatua in mustibí sila-silaionmu kon umat in Israel sin mobaḻí kapunyaan monia, ná inta ain pinarenta-Ku kon inimu.

YOSUA 13:7

Dá, tanaa in sila-silaidon in butá tatua kon suku in bangusa Israel inta siow, bo kon tongobotak in suku in Manasye, sinbá tua in mobaḻídon kapunyaan monia.”

YOSUA 14:1

Noiduduimai naa in ouman kon naonda in butá in Kanaan kon dotá in toyopan kon Ongkag in Yordan sinilai-silai kon umat in Israel. Inta nosilai kon butá tatua kon umat in Israel in ki Imang Eleazar, ki Yosua adí i Nun, bo tongguḷu mita in motoḷuadí kon bonu in suku mita in bangusa Israel.

YOSUA 14:2

Ná onu inta ain pinarenta i Tuhan kon i Musa, butá mita inta kon dotá in toyopan kon Ongkag in Yordan inta ain sinantú kon siow bo tongobotak nosuku in bangusa Israel, musti silaion pongin undian.

YOSUA 14:3

Butá kon dotá in pomukaan kon Ongkag in Yordan ain inogoi i Musa kon doyowa bo tongobotak in suku bangusa ibanea tua. (Paraḷu paison kon naa kon buí i Yusup nosilai doyowa nosuku: Suku Manasye bo Suku Epraim.) Aka soaḷ suku in Lewi, diábí in butá in inogoi i Musa kon i monia. Mosia in tongábí inogoian in kotá mita sin pogutunan, takin doman tampat popokaanan kon bayongan bobiagon sapi bo domba monia.