YEHEZKIEL 44:5 - Alkitab Singog In Mongondow Masa In Tanaa

⁵ bo ki Tuhan in noguman kon inakó, “Ei intau ilo-ilow, taridiai kopia onu inta inontongmu bo inta dinongogmu. Akuoi in mopotaaudon kon inimu in bayongan in atorang bo hukum soaḷ baḷoi-Ku tanaa. Paisdon kopia mongo ki ine mako in ogoi tumuot kon bonu in Baḷoi-Ku bo ki ine doman mako in diá ogoi tumuot.

YEHEZKIEL 44:5 Mawu Ofanana

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 2 11:16

Intau mita nongkon bayongan in suku Israel inta totu-totuudon moibog mosumba kon i Tuhan, Allah in Israel, nomamping kon Yerusalem, dinumudui kon intau mita in Lewi tatua sinbá motaau moposumba in kuruban kon i Tuhan, Allah inta sinumba in mogoguyang monia.

MAZMUR 119:4

Iko in nobogoi kon inami in hukum-Mu, o Tuhan, sinbá aidan nami intua takin mokopotoḷutui.

MAZMUR 24:3

Ki ine in motaau motakod kon Tombuḷud i Tuhan, bo tumuot kon bonu in Baḷoi-Nea?

IḶUAIAN 9:21

Táe ibanea in doí nopandungmai kon tompoingat tatua bo sinaḷáanmai monia in ata mita bo bobiagon monia kon tampat popokaanan monia in bobiagon.

AMSAL 24:32

Naonda in sinaridianku mako bo sinano-tanobku intua, nouḻíku in topotundú nanaa:

YEHEZKIEL 40:4

Ḷoḷaki tatua in noguman kon inakó, “Ei intau ilo-ilow, indongogaidon kopia bo taridiai in bayongan inta poontongku kon inimu, sin tuabí in mangaḻe in pinodiaanku kon inimu namangoi in naa. Potaaudon kon bangusa in Israel in bayongan inta ontongonmu.”

YEHEZKIEL 42:9

Kon ḻimonagan in gopot mita inta kon popod kon dotá in pomukaan kon baḷoi tanaa, bo kon popod in dinding, oyúon in ngara inta mopobayá in dangkuḷon kon dotá in ḷuai. Kon dotá in toḷatan nongkon Baḷoi Tuhan, oyúon in baḷoi inta notongkai, noiukat diá noyayú kon baḷoi inta kon dotá in toyopan.

YEHEZKIEL 46:19

Onda intua ḷoḷaki tatua nodia kon inakó nongin ngara kon diug in bonawang, mopobayá in gopot mita motusi inta noitayow kon utuan. Gopot mita tatua in sinadia kon imang mita. Ḷoḷaki tatua in notundú kon yuang kon popodnea kon dotá in toyopan,

YEHEZKIEL 47:6

Bo intau tatua in noguman kon inakó, “Ei intau ilo-ilow, taridiai totok kopia in naa komintan.” Onda intua dinianea bui in akuoi notaḷug kon ongkag,

DANIEL 10:12

Bo gumannea kon inakó, “Daniel, dika moondok. Ki Allah in nokidongogdon kon sambayangmu pinangkoi kon singgai muna iko nonantú kon nopoompá kon inimu tontaní sinbá mobaḻí mobijaksana. Akuoi in namangoidon nobaḻí tubag in sambayangmu.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

OUMAN IN RASUL MITA 8:36

Kon binayáan monia tatua, mosia noidapot in tobatú tampat inta oyúon in tubig. Pogawai tatua noguman, “Indoiaika, kon tua oyúon in tubig! Motaau degá aka akuoi baptisondon kon tua?” [

ULANGAN 12:32

Aidaidon in bayongan inta pinoki aidku kon inimu; dika dugangan ande gaatan.

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.