YEHEZKIEL 44:27 - Alkitab Singog In Mongondow Masa In Tanaa

²⁷ bodongka mayá in dangkuḷon kon bonu in Baḷoi-Ku, bo moposumba in kuruban sin pondarit kon awaknea sinbá motaaudon bui in sia mopobayá in oaidan kon Baḷoi-Ku, Akuoi, ki Tuhan Inta Totok in moḷantud ain nosingog.

YEHEZKIEL 44:27 Mawu Ofanana

YEHEZKIEL 44:17

Kon dodai in mosia tumuot kon bonawang mopobayá in dangkuḷon kon bonunea, mosia in mustibí mogiḷambung in kaeng linen. Diábí motaau in mosia in mogiḷambung in ḷambung inta pinomia nongkon wol aka koyogot in mopobayá in oaidan kon dangkuḷon dotá in bonunea, andeka kon bonu in Baḷoi-Ku.

IMAMAT 5:3

Aka intau tobatú noitaḷádon takin diá sinuod bo noḻiaidon kon barang monajis inta nongkon intau, táe ḷagidon kinotaauannea kon noitaḷádon in oaidnea tatua.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.