YEHEZKIEL 44:24 - Alkitab Singog In Mongondow Masa In Tanaa

²⁴ Aka momuká in bobayowan pelekara in hukum, yo musti toipaḷuton monia intua podudui in hukum-Ku mita. Mosia in mustibí monanob kon singgai mita moḷoben in agama, podudui in atorang mita bo hukum-Ku mita, bo mohoromat kon Sabat mobaḻí singgai inta ain sinantú kon i-Nakó.

YEHEZKIEL 44:24 Mawu Ofanana

TAWARIKH 1 23:4

Bo 24.000 in intau kon sigad monia tua in pinoki aidan in oaidan kon Baḷoi Tuhan, 6.000 in moindoi kon administrasi bo pelekara mita in pongadilan,

EZRA 2:63

Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

YEHEZKIEL 20:12

Pinotabá-Ku in mosia mohoromat kon singgai in Sabat nobaḻí tomponuot kon dodandian-Ku takin i monia, sin moponorop kon i monia kon Akuoi ki Tuhan, ain nopotondí kon i monia mobaḻí kapunyaan-Ku.

YEHEZKIEL 20:20

Horomatbí in singgai in Sabat sinbá mobaḻí tomponuot dodandian kon sigad-Ku bo i monimu, sin moponorop kon i monimu kon Akuoibí in ki Tuhan Allahmu.’

YEHEZKIEL 22:26

Imang mita in Israel iḻimimpat kon hukum-Ku mita bo nokokotor kon pakakat mita inta ain sinantú-Ku kon i-Nakó. Diá bidon pinoyoposi monia onda in motaau bo onda in diá motaau. Mosia in diá doman notundú kon rayat mopoyoposi kon onu in modarit bo onda in nonajis podudui in atorang in agama. Mosia in diá bidon mopandungmai kon singgai in Sabat. Aid monia natua in pinoningkuḻebí in bangusa Israel kon i-Nakó.

YEHEZKIEL 46:9

Noyotoḻikud kon tua, aka kon singgai mita moḷoben bo rayat in mamangoi moibada kon i Tuhan, dá mosia inta tumuot mongin bonawang kon dotá in utuan, yo mobui in mustibí mongin bonawang inta kon dotá in toḷatan naonda in mopaḷut mako in mosia moibada. Bo mosia inta tumuot mongin bonawang toḷatan, naonda in mobui mustibí mongin bonawang kon dotá in utuan. Intau mita diábí ogoi in mobui mongin daḷan inta sinuotannea koina; mosia in mustibí mobui mongin bonawang inta kon ḷoḷanneamai.

ULANGAN 19:17

intau doyowa tatua musti mayá in tampat pooibadaan inta sinantú i Tuhan sinbá tantúon in imang mita bo hakim inta koyogot mopobayá in oaidan monia.

ULANGAN 21:5

Imang mita in Lewi musti doman mayá intua, sin mosia in musti monantú kon bayongan in pelekara popisí in aid inta moraat. Mosia tua in piniḻí i Tuhan Allahmu sin mogundoi kon i-Nia bo mosingog kon barakat podoyon kon tangoi-Nea.

TIMOTIUS 1 3:15

sinbá aka akuoi diápa ḷagi moiangoi, yo kotaauanmudon naonda in kobobiag naton saḷaku ki adí mita i Allah, mangaḻenea kon naa jamaat i Allah inta nobiag. Jamaat tanaa inta nobaḻí oigi pinonuḻid bo dumodudui kon totundú inta totuu nongkon i Allah.