YEHEZKIEL 43:6 - Alkitab Singog In Mongondow Masa In Tanaa

⁶ Kon dodai in ḷoḷaki tatua sinimindogpa mako kon diugkumai, dinongogku in ki Tuhan in noguman kon inakó nongkon bonu in Baḷoi Tuhan, kai-Nia,

YEHEZKIEL 43:6 Mawu Ofanana

IḶUAIAN 25:22

Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

IḶUAIAN 29:42

Duduiannea kon tua sigaḷa zaman, kuruban tubáan tatua musti posumba kon tayowon-Ku kon ngara in Ḷoḷaigan-Ku. Kon tuata in Akuoi mokipodungkuḷ kon umat-Ku bo mopoyaput in tosingogon kon inimu.

YESAYA 66:6

Indongogai! Oyúon in singog in gonugur kon kotá; oyúon in singog nongkon Baḷoi-Ku; tuata in singog-Ku inta koyogot motuḻí kon musung!

YEHEZKIEL 1:26

Kon tudu in kubah tatua oyúon in ná batangan in ḷoḻitúan pomomarentaan nongkon batu in nilam, bo kon tudunea iḻimitú inta koontongan ná intau.

YEHEZKIEL 40:3

Akuoi in dinia-Nea kon tua bo inontongku in ḷoḷaki tobatú inta mopouḻi-uḻinag naonda bo porunggu sinimindog kon diug in bonawang. Nokadai mako in sia kon tontogot pogogukur nongkon linen bo kayu pogogukur.

IMAMAT 1:1

Nongkon Ḷoḷaigan-Nea, ki Tuhan nogoiní kon i Musa bo nopotaau in atorang mita tatua kon inia

WAHYU 16:1

Bo akuoi in nokodongog kon singog moḷoben nongkon bonu in Baḷoi Allah noguman kon malaekat pitu tatua, “bayádon bo pobutakdon bonu in palo in torú i Allah inta pitu tanion kon tudu in butá!”