YEHEZKIEL 43:25 - Alkitab Singog In Mongondow Masa In Tanaa

²⁵ Pomuḷoi in singgai kon bonu in pitu nosinggai, iko in mustibí mopokuruban in bembé tobatú, sapi koḷakian batánea tobatú, bembé koḷakian baḻíon kuruban potobut kon dosa. Mahaḷuk mita tatua in diábí motaau aka oyúon in bogitnea.

YEHEZKIEL 43:25 Mawu Ofanana

YEHEZKIEL 43:22

Mopoikoḷomai kon singgai iko in musti moposumba in bembé koḷakian tobatú inta diá in bogitnea mobaḻí kuruban potobut kon dosa. Potusidon in mezbah tatua takin dugú in bembé, ná pinogogaidmu kon dugú in sapi koḷakian batánea tatua.

YEHEZKIEL 43:26

Pitu nosinggai in koonggotnea imang mita in musti mogaid kon upacara ponoimpaḷutan kon mezbah tatua bo moposadia sinbá motaau pakéon.

IMAMAT 8:33

Kon bonu in pitu nosinggai moiko in diábí motaau in monaḷámai kon Ḷoḷaigan i Tuhan dapot in upacara pomaḻían imang kon inimu tatua mopaḷut.

IMAMAT 8:35

Kon bonu in pitu nosinggai, singgai bo doḷom, moiko musti mogutun mako kon tayowon ngara in Ḷoḷaigan sin mogaid kon onu inta parentaan i Tuhan. Aka diá aidan monimu, yo matoi in moiko. Tuata in pinotaau i Tuhan kon inakó.”