YEHEZKIEL 43:23 - Alkitab Singog In Mongondow Masa In Tanaa

²³ Aka mopaḷutdon aidanmu intua, gamádon in sapi koḷakian tobatú batánea bo bembé koḷakian tobatú batánea, tumpaḷa diá in bogitnea,

YEHEZKIEL 43:23 Mawu Ofanana

IḶUAIAN 29:1

“Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

IḶUAIAN 29:10

Onda intua sapi koḷakian tatua musti diaanmu kon tayowon in ḷoḷaigan-Ku. Ki Harun bo ki adínea mita musti mopoukat in ḻima monia kon uḷu in biag mita tatua.

YEHEZKIEL 43:19

Tongábí imang buí i Zadok nongkon suku Lewi in motaau mamangoi in tayowon-Ku sin mopobayá in oaidan pogundoian. Akuoi, ki Tuhan Inta Totok in moḷantud in nomarenta nokiaid intua. Ogoidon kon i monia in sapi koḷakian tobatú inta batáneapa sin pokuruban potobut kon dosa.

YEHEZKIEL 45:18

Ki Tuhan Inta Totok in moḷantud in noguman kon umat-Nea, “Kon singgai imitánea kon buḷan imitánea doman, moiko in mustibí mopotusi in Baḷoi-Ku takin moposumba in sapi koḷakian batánea tobatú inta diá in bogitnea.