YEHEZKIEL 43:22 - Alkitab Singog In Mongondow Masa In Tanaa

²² Mopoikoḷomai kon singgai iko in musti moposumba in bembé koḷakian tobatú inta diá in bogitnea mobaḻí kuruban potobut kon dosa. Potusidon in mezbah tatua takin dugú in bembé, ná pinogogaidmu kon dugú in sapi koḷakian batánea tatua.

YEHEZKIEL 43:22 Mawu Ofanana

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YEHEZKIEL 43:20

Gamádon in dugúnea topiḻik bo popoḻepo kon tungoi mita inta kon siku mita in mezbah tatua, bo kon sikunea opat inta kon dotá in bonunea takin doman sí in mezbah inta noiḻibu. Natuata in pogogaidmu mopotusi in mezbah tatua bo tondíonmudon kon i-Nakó.

YEHEZKIEL 45:18

Ki Tuhan Inta Totok in moḷantud in noguman kon umat-Nea, “Kon singgai imitánea kon buḷan imitánea doman, moiko in mustibí mopotusi in Baḷoi-Ku takin moposumba in sapi koḷakian batánea tobatú inta diá in bogitnea.

IMAMAT 1:10

Aka inta pinosumba tatua bo domba tobatú ande bembé, dá biag tatua musti koḷakian bo inta totok in mopia.

IMAMAT 16:18

ki Harun musti ḷumuai bo mayá kon mezbah in kuruban tubáan sin mondarit kon mezbah tatua. Sia in musti mogamá kon dugú in sapi topiḻik bo dugú in bembé bo poḻeponea kon tungoi mita inta kon siku in mezbah.

IMAMAT 4:23

dá naonda in kotaauanneadon ḷagidon in sia mopokuruban in bembé koḷakian inta mopia totok sin pongampung kon dosanea.

IMAMAT 4:26

Onda intua bayongan ḷongó in mahaḷuk tatua musti tubáan kon tudu in mezbah, ná kuruban dodamean. Natuata in pogogaid i imang kon moposumba in kuruban in tobatú bobato, dá intau tatua in ampungan i Tuhan.

PETRUS 1 1:19

táe dugúbí inta totok in momahaḷ, tuata in dugú i Kristus inta pinodugú naonda bo dugú in ki adí in domba inta diá nobogit ande diá pinaḻi-paḻían. Sia pinokuruban kon i Allah.