YEHEZKIEL 43:2 - Alkitab Singog In Mongondow Masa In Tanaa

² bo kon tuata inontongku in nongkon dotá in pomukaan sindar mopouḻi-uḻinag inta nobaḻí tomponuot kon kinoangoian i Allah in Israel. Singog i Allah in kodongogan naonda bo singog in tubig kon dagat, bo dunia in moporia-riang popisí in sindar kinoangoian i Allah.

YEHEZKIEL 43:2 Mawu Ofanana

YESAYA 17:12

Bangusa mita inta moropot koyogotdon modowawá; singog in gotup naonda bo boḷontung in bokoḷ kon dagat inta motoyang.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

YEHEZKIEL 1:24

Aka ḷumayug in mosia, yo kodongoganku in singog in ḷayugannea; singognea in naonda bo singog in tubig moitampurang, ná goḷopak in bayáan in tontara inta mobarong, naonda bo singog i Allah Inta Totok in mokawasa. Aka mogogai in mosia ḷumayug, kopíon monia in koḻikipnea mita,

YEHEZKIEL 1:28

bo nopoyagi-yagimai in batangannea naonda bo aḻibobag. Tuata in bayag motarang inta mopoontong kon kinoangoian i Tuhan. Nokoontongmai kon tua, noitongkob in akuoi kon butá. Bo kinodongoganku in singog inta

YEHEZKIEL 10:4

Sindar mokotuḷow inta nobaḻí tomponuot koangoian i Tuhan in nonindar nongkon kerub mita tatua bo nomamping kon ngara tumuot kon Baḷoi Tuhan, dá palasnea nobaḻídon nobayag totok.

YEHEZKIEL 11:22

Kerub mita tatua in momangkoidon ḷumayug bo roda mita tatua in dinumudui doman. Sindar mokotuḷow inta nobaḻí tomponuot koangoian i Allah in Israel in oyúon kon ḻimonikan monia.

YEHEZKIEL 11:23

Onda intua sindar mokotuḷow tatua nonaḷámaidon kon Yerusalem bo nomamping kon buḷud kon dotá in pomukaan kon kotá tatua.

YEHEZKIEL 3:23

Dá minayádon in akuoi kon ḷopá, bo kon tua inontongku in bayag nonindar inta moponiata kon kinoangoian i Tuhan ná inta ain inontongku kon bingkí in Ongkag in Kebar. Bo noitongkob in akuoi kon tudu in butá,

YEHEZKIEL 43:4

Sindar mopouḻi-uḻinag tatua minayá nopobayá in bonawang kon dotá in pomukaan bodongka sinumuot kon bonu in Baḷoi Tuhan.

YEHEZKIEL 44:2

ki Tuhan in noguman kon inakó, “Bonawang tanaa in mustibí umuran moiḻingkop mako bo diábí motaau in bukatan. Diábí tobatúmai in intau in motaau tumuot kon tua, sin Akuoi, ki Tuhan Allah in Israel, ain sinumuot kon Baḷoi-Ku nongin bonawang tanaa. Dá, bonawang tanaa in mustibí umuran ḻingkopan.

YEHEZKIEL 9:3

Bo sindar mokotuḷow inta nobaḻí tomponuot koangoian i Allah in Israel, nonindar nongkon kerub mita, bodongka nomamping nongkon tampatnea inta muna bo minayá in ngara tumuot in Baḷoi Tuhan. Dá ki Tuhan in nogoiní kon intau inta nogiḷambung in ḷambung linen tatua, kai-Nia,

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

HABAKUK 3:3

Iko in ki Allah Inta Totok in motusi namangoi nongkon Téman, Iko in namangoi nongkon buḷud in Paran. Ḷangit kinokoḷoban in koagung-Mu; butá nopuḻing in dodayow kon ini-Mu.

HABAKUK 3:4

Iko in namangoi takin bayag motarang, nongkon ḻima-Mu ḷumuai in sindar nobayag, kon tuata in pinobunian-Mu kon kawasa-Mu.

YOHANES 12:41

Ki Yesaya noguman natua sin sia ain nokoontong kon kamuliaan i Yesus, bo nongongumandon soaḷ Sia.

WAHYU 1:15

sioḷ-Nea in moriang naonda bo tambaga inta sinubá. Singog-Nea in naonda bo gonugur in tubig moḷoben inta moḷabú nongkon buḷud.

WAHYU 14:2

Bo dinongogku in singog nongkon ḷangit naonda bo singog in dunuk moḷoben bo ná doman singog in gotup inta totok in moropot. Singog inta dinongogku tua ná doman onda bo singog in kecapi mita inta kinuti in intau inta motaau mokuti.

WAHYU 18:1

Onda intua akuoi in nokoontong kon tobatú malaekat ibanea noponag nongkon soroga. Kon malaekat tatua oyúon in kawasa inta moḷoben, bo kamuliaan nokobayag kon dunia naa.

WAHYU 19:1

Nopaḷut mako kon tua, akuoi in nokodongog kon naonda bo giow in intau mobayong inta nongkon soroga, noguman, “Dayowdon in ki Allah! Ki Allah naton inta mopoposaḷamat; Sia in Allah inta Moḷoben bo Mokawasa!

WAHYU 19:6

Onda intua akuoi in nokodongog kon ná giow in intau mobayong inta noyosipun; kotombánea in naonda bo singog in bokoḷ kon dagat bo gotup inta moyo-moyodudui. Dinongogku mosia in noguman, “Dayowdon in ki Allah! Sin ki Tuhan, ki Allah naton Inta Mokawasa tua, nomarentadon in tanaa!

WAHYU 21:11

kotá tatua nopuḻing in kamuliaan i Allah bo sindarnea in naonda bo permata inta totok mogaga, naonda bo batu permata inta mobaḷu-baḷui in batangannea permata baiduri notarang naonda bo kristal.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.