YEHEZKIEL 43:13 - Alkitab Singog In Mongondow Masa In Tanaa

¹³ Naa in ukuran in mezbah podudui in ukuran inta pinaké kon mogukur kon Baḷoi Tuhan. Kon ḻibumai in sioḷ in mezbah oyúon in got inta koonagnea in tongobotak in meter bo kooḷadnea in tongobotak doman in meter, sínea kon dotá in ḷuai koḷantudnea in tongokoar in meter.

YEHEZKIEL 43:13 Mawu Ofanana

TAWARIKH 2 4:1

Ki Datu Salomo nokiaid in mezbah tobatú nongkon bitú inta kobanat bo kooḷadnea in tumososiow nometer, bo koḷantudnea in 450 nosenti.

IḶUAIAN 25:25

Meja tatua pomiaai kon bingkínea inta kooḷadnea 7,5 nosenti bo botokai in buḷawan bingkínea tatua.

YEHEZKIEL 40:5

Bo akuoi in nokoontong kon Baḷoi i Tuhan inta iḻibu dininding. Ḷoḷaki tatua in nomangkoidon nogukur kon dinding tatua nomaké in kayu pogogukurnea inta koḷanggónea in toḷu nometer. Noniata magí dinding tatua koḷantudnea in toḷu nometer bo kobunodnea in toḷu doman nometer.

YEHEZKIEL 41:8

Dinding dotá in ḷuainea tatua kobunodnea in doyowa bo tobotak nometer. Bangunan tatua in oyúon in ngaranea inta mopobayá in gopot mita kon dotá in utuan kon Baḷoi Tuhan, bo ngara ibanea inta mopobayá in gopot mita kon dotá in toḷatan. Kon ḻibu in Baḷoi Tuhan oyúon in teras inta kooḷadnea in doyowa bo tobotak nometer, toḷu nometer nongkon butá, bo pinotongkai in koḷantudnea in pondasi in gopot mita kon dinding in Baḷoi Tuhan. Kon sigad in teras bo bangunan mita inta pinaké in imang mita, oyúon in dangkuḷon inta kooḷadnea in mopuḷú nometer, kon dotá in koḷoigi koḷanan in Baḷoi Tuhan.