YEHEZKIEL 43:10 - Alkitab Singog In Mongondow Masa In Tanaa

¹⁰ Bo ki Tuhan in noguman bui, “Ei intau ilo-ilow, potaaudon kon umat in Israel soaḷ Baḷoi-Ku tanaa, bo pokitaridiaidon in mosia kon tomayánea. Pokopooyámaidon in mosia popisí in bayongan in dosa monia.

YEHEZKIEL 43:10 Mawu Ofanana

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

YEHEZKIEL 16:61

Kotoropanmubí in aidmu mita bo angoian in oyá kon dodai in ki utatmu mita pobuion-Kudon kon inimu. Baḻíon-Ku in mosia naonda bo ki adímu mita, umpakabí intua diá noituot kon dodandian-Ku takinmu.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

YEHEZKIEL 28:12

“Ei intau ilo-ilow, amuiaidon in ki datu in Tirus. Potaaudon in onu inta poguman-Ku, Akuoi Tuhan Inta Totok in moḷantud kon inia, ‘Iko in nokoimontandon in nobaḻí lambang in kosompurnaan; dungkuḷmai iko in totuu mobijaksana bo mogaga!

YEHEZKIEL 40:4

Ḷoḷaki tatua in noguman kon inakó, “Ei intau ilo-ilow, indongogaidon kopia bo taridiai in bayongan inta poontongku kon inimu, sin tuabí in mangaḻe in pinodiaanku kon inimu namangoi in naa. Potaaudon kon bangusa in Israel in bayongan inta ontongonmu.”

YEHEZKIEL 43:11

Bo naonda in mooyá in mosia popisí in aid mita monia, insilangaidon in tombaḷoi in Baḷoi-Ku tanaa kon i monia: batangannea, ngaranea mita tumuot bo ḷumuai, ḷandakan in baḷoinea, bayongan in atorang bo hukumnea mita. Paisdon intua komintan kon i monia sinbá koontongan monia bo moindoi kon naonda in pononompia kon bayongan in yagi-yagi, poḷat dumudui kon bayongan in atorangnea.

YEHEZKIEL 44:5

bo ki Tuhan in noguman kon inakó, “Ei intau ilo-ilow, taridiai kopia onu inta inontongmu bo inta dinongogmu. Akuoi in mopotaaudon kon inimu in bayongan in atorang bo hukum soaḷ baḷoi-Ku tanaa. Paisdon kopia mongo ki ine mako in ogoi tumuot kon bonu in Baḷoi-Ku bo ki ine doman mako in diá ogoi tumuot.

SURAT I PAULUS KON JAMAAT RUM 6:21

Kon wakutu intua onu in kauntungan nouḻí monimu kon dodai in nogaid kon soaḷ mita inta tanaa mako mooyádon in moiko mogaid? Aid mita tatua in tongábí modia mayá in popatoi!

YOSUA 22:28

Dá, niat nami in: aka kuma buí monimu in moguman natua, dá buí nami in motaaudon moguman, ‘Indoiai in mezbah tatua! Mogoguyang nami in noposindogdon in mezbah tobatú inta notombatangan in mezbah i Tuhan, deemanbí pobogoian kon kuruban payongon ande pobogoian kon sosumba, táe baḻíon tomponuot kon i naton posibotak.’