YEHEZKIEL 42:5 - Alkitab Singog In Mongondow Masa In Tanaa

⁵ Gopot mita kon ḷandakan kon ḻimonik in mointo-intok nongkon gopot mita inta kon ḻimonagannea, sin lorongnea mita kon tayowon in gopot mita kon ḻimonik tatua in moḷobe-ḷoben nongkon inta kon ḻimonagannea.

YEHEZKIEL 42:5 Mawu Ofanana

YEHEZKIEL 41:15

Ḷoḷaki tatua in nogukur doman kon baḷoi moḷoben inta noitayow kon dangkuḷon kon dotá in toyopan: kooḷadnea in ḻima nopuḷú nometer, noitakin domandon in dindingnea koḷoigi koḷanannea. Yuang mita kon Baḷoi Tuhan, in yuang kon muna, Tampat Inta Motusi, bo Tampat Inta Totok in motusi,

YEHEZKIEL 41:7

Nongkon ḷuai in dinding Baḷoi Tuhan tatua koontongan notongkai in kobunodnea nongkon ḻimonag nodapot in omonikanea. Kon dinding dotá in ḷuainea nongkon Baḷoi i Tuhan, kon dotá in ḷuai in gopot mita tatua, oyúon in tukad moḷoben doyowa dá intau motaaubí in moponik nongkon ḷandakan kon ḻimonag bo mayá in ḷandakan induanea bo intoḷunea.

YEHEZKIEL 42:3

Sí tobatú in baḷoi tatua in noitayow kon dangkuḷon inta kooḷadnea in mopuḷú nometer tatua, bo sínea ibanea noitayow kon taḷog batu kon dangkuḷon kon ḷuai. Baḷoi tatua in toḷu noḷandakan; kon pomuḷoi in ḷandakan in mointo-intok nongkon ḷandakan inta kon ḻimonagannea.

YEHEZKIEL 42:6

Gopot mita tatua in toḷu noḷandakan bo diá ginopod in oigi mita ná inta kon baḷoi mita kon palas.