YEHEZKIEL 42:20 - Alkitab Singog In Mongondow Masa In Tanaa

²⁰ Dá, koḷoben in butá kon Baḷoi Tuhan in notonggopat, ukurannea in tumododoyowa nogatut bo ḻima nopuḷú nometer kon pomuḷoi in sínea. Butá tatua in iḻibu dininding sin mopoyotondí in butá inta tongá posumbaan kon i Tuhan bo butá inta kon intau mita.

YEHEZKIEL 42:20 Mawu Ofanana

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YESAYA 26:1

Kon dodai intua intau mopodondong in dondong tanaa kon butá in Yohuda “Totuu moroton in kotá naton; ki Allah tontaní in noposindog in benteng-Nea, kon naa mosaḷamat in kita.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

YEHEZKIEL 22:26

Imang mita in Israel iḻimimpat kon hukum-Ku mita bo nokokotor kon pakakat mita inta ain sinantú-Ku kon i-Nakó. Diá bidon pinoyoposi monia onda in motaau bo onda in diá motaau. Mosia in diá doman notundú kon rayat mopoyoposi kon onu in modarit bo onda in nonajis podudui in atorang in agama. Mosia in diá bidon mopandungmai kon singgai in Sabat. Aid monia natua in pinoningkuḻebí in bangusa Israel kon i-Nakó.

YEHEZKIEL 40:5

Bo akuoi in nokoontong kon Baḷoi i Tuhan inta iḻibu dininding. Ḷoḷaki tatua in nomangkoidon nogukur kon dinding tatua nomaké in kayu pogogukurnea inta koḷanggónea in toḷu nometer. Noniata magí dinding tatua koḷantudnea in toḷu nometer bo kobunodnea in toḷu doman nometer.

YEHEZKIEL 43:12

Naa in sipat totokan in Baḷoi Tuhan: Bayongan in butá kon diugnea kon tudu in buḷud in totok in motusi.”

YEHEZKIEL 44:23

Imang mita in mustibí motundú kon umat-Ku sinbá kotaauan monia in mopoyoposi kon onda inta ain sinantú kon i-Nakó bo onda in deeman, onda inta nodarit podudui in agama bo onda inta nonajis.

YEHEZKIEL 45:2

Bo pogaidan kon Baḷoi Tuhan in sinadia nongkon butá tatua tongosilai inta notonggopat, ukurannea in doyowa nogatut bo ḻima nopuḷú nometer kon batúan in sínea, bo iḻibu in lapangan kooḷadnea in doyowa nopuḷú bo ḻima nometer bo kon tuata in musti poposindogan in Baḷoi Tuhan.

YEHEZKIEL 48:15

Kon dotá in toḷatan nongkon butá inta ain sinantú tatua, oyúonpabí in kiagatnea inta kobanatnea in mogatut bo doyowa nopuḷú boḻima noribu nometer, bo kooḷadnea in doyowa nopuḷú boḻima noribu nometer. Tonsilai tatua in diá motusi bo motaaubí pakéon in rayat mobaḻí pogutunan bo baḻíon doman rawang bonok, kon dotá in yuaknea musti posindogon in kotá tobatú.

YEHEZKIEL 48:20

Dá, bayongan in butá tatua, noitakin doman in butá inta ain sinantú bo butá inta pomiaan kon kotá, notonggopat ukurannea in mogatut bo doyowa nopuḷú boḻima noribu nometer kon batúan in sínea.

IMAMAT 10:10

Moiko in mustibí motaau mopoyoposi kon inta sinantú kon i Allah bo inta diá sinantú, inta nonajis bo inta diá nonajis.

MIKHA 7:11

Ei Yerusalem! Wakutumudon bui moposindog in dinding mita in kotámu. Kon singgai tatua butámu in dugangandon in kooḷadnea.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

LUKAS 16:26

Apapa doman kon sigad nami bo inimu oyúondon irang inta diá motaau bayáan. Tua in mangaḻenea sinbá intau inta nongkon naa diá motaau mayá in nion bo intau inta nongkon nion diá motaau mamangoi in naa!’

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.