YEHEZKIEL 41:22 - Alkitab Singog In Mongondow Masa In Tanaa

²² Koḷantudnea in tometer bo tobotak bo kooḷadnea in tometer. Sikunea mita, taḷognea bo dindingnea in pinomia nongkon kayu. Ḷoḷaki tatua in noguman kon inakó, “Naa in meja inta kon tayowon in koangoian i Tuhan.”

YEHEZKIEL 41:22 Mawu Ofanana

DATU MITA IMITÁNEA 6:20

Yuang tatua kobanatnea, kooḷadnea bo koḷantudnea in notongkai, tumongo siow nometer. Mezbah kon tayowon in Yuang Totok in Motusi tatua pinomia nongkon kayu ḷokuyú in Libanon. Kon ngara tumuot in yuang tatua pinopobandai in rante buḷawan. Bayongan bonu in Baḷoi i Tuhan tatua noitakin doman in Yuang Totok in Motusi bo mezbahnea inaipan in buḷawan taakan.

DATU MITA IMITÁNEA 7:48

Ki Datu Salomo in nokimia doman in touḷut mita ibanea nongkon buḷawan sin pakéon kon Baḷoi Tuhan. Naa in pakakat mita inta pinomianea tatua: Mezbah Meja pogukatan kon roti inta posumba kon i Allah Sioḷ totuduan in togá mopuḷú inta inukat kon tayowon in Yuang Totok Motusi, ḻima in kon dotá in toḷatan bo ḻima in kon dotá in utuan Bungang mita Togá mita Totupit mita Galas mita Pakakat pomomiong kon togá Palo mita Pindan mita pogukatan kon dupa Pindan mita inta pogukatan kon baga in tuḷú Engsel mita inta pakéon kon Yuang Inta Totok in Motusi bo ḷoḻingkop mita dotá in ḷuai in Baḷoi Tuhan.

TAWARIKH 2 4:19

Ki Datu Salomo in nokiaid doman in pakakat mita ibanea nongkon buḷawan taakan sin pakéon kon Baḷoi Tuhan. Tanaa in pakakat mita inta pinomianea tua: Mezbah Meja pototuduan kon roti oḷudon Bayongan in sioḷ totuduan in togá bo togánea nongkon buḷawan inta nogurang sin poyongkiton kon tayowon in Yuang Totok in Motusi, podudui in tomayá Ḷambá mita inta pinomia ná bungang Togá mita Totupit mita Pakakat ponondarit kon togá Palo mita Pindan mita pototuduan kon dupa Pindan mita pototuduan kon baga Bayongan in ngara tumuot kon Baḷoi Tuhan bo ngara in Yuang Totok in Motusi inaipan in buḷawan.

IḶUAIAN 25:23

“Pomiadon kon meja tobatú nongkon kayu akasia inta kobanatnea 88 nosenti, oḷadnea 44 nosenti, bo koḷantudnea 66 nosenti.

IḶUAIAN 30:8

Tua in musti pomiaannea doman kon dodai in sia mopoyongkit in togá wakutu in ḷoḷabungnea. Sosumba kamania tatua musti umurannea pomiaan dapot in adí bo ompu.

AMSAL 9:2

Sia in noratádon kon bobiagon sin poramean, nomugutdon kon tubig in anggur bo nogoḷudon kon kaanon.

DONDONG MOḶANTUD 1:12

Kon dodai in ki datuku kon tosiugannea, bo mobondu in ḷana narwastuku.

YEHEZKIEL 23:41

Bo iḻimitú in mosia kon tudu in tosiugan inta mogaga. Kon tayowonnea oyúon in meja inta pinogoḷudan kon noyagi-yagimai in kaanon, takin dupa doman bo ḷana in zaitun inta ain inogoi-Ku kon i monia.

YEHEZKIEL 44:16

Tongábí mosia in motaau tumuot kon Baḷoi-Ku, mogundoi kon i-Nakó kon mezbah-Ku, bo mopobayá in ibada kon Baḷoi-Ku.

IMAMAT 24:6

Ukat in roti tatua pomia doyowa noguntuḷ, togogonom in toguntuḷ, ukaton kon tudu in meja inta inaipan in buḷawan taakan inta kon bonu in Ḷoḷaigan i Tuhan.

MALEAKHI 1:12

Táe moiko in moningkuḻebí kon i-Nakó sin kainimu kamai in mezbah-Ku in diábí in mangaḻenea, bo moposumba kon tua in kaanon inta kinodoí monimu.

MALEAKHI 1:7

Pinongin in nopokuruban in kokaanon inta diá patus pokuruban kon tudu in mezbah-Ku. Bo moiko in moḻibó ‘Naonda in pinononingkuḻe nami kon ini-Mu?’ Pinongin noporaa-raatmai kon mezbah-Ku.

KORINTUS 1 10:21

Moiko in diábí motaau in monginum kon palo in anggur pongonginuman i Tuhan, bo monginum doman kon palo pongonginuman in dimukud mita moraat. Natua doman, moiko in diábí motaau in mongaan moyotakin i Tuhan bo mongaan doman moyotakin in dimukud moraat.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.

WAHYU 8:3

Tobatú malaekat ibanea inta nodia kon pototubáan kon kamania inta pinomia nongkon buḷawan, namangoi bo sinimindog kon tayowon meja pogogukatan kon sosumba. Sia inogoian in kamania nobayong sin potakin kon sambayang mita in bayongan umat i Allah bo posumba doman kon meja pototuduan kon sosumba inta kon tayowon tampat pomomarentaan.