YEHEZKIEL 40:35 - Alkitab Singog In Mongondow Masa In Tanaa

³⁵ Imbuitnea ḷoḷaki tatua nodia kon inakó minayá in bonawang utuan. Sia in nogukur kon bonawang tatua bo ukurannea in notongkai in bonawang mita ibanea.

YEHEZKIEL 40:35 Mawu Ofanana

YEHEZKIEL 40:27

Kon tua in oyúon doman inta mopobayá in dangkuḷon kon bonunea. Ḷoḷaki tatua in nogukur kon koyayú in bonawang doyowa tatua: ḻima nopuḷú nometer.

YEHEZKIEL 40:28

Noiduduimai kon tua ḷoḷaki tatua in nodia kon inakó nongin bonawang toḷatan sinumuot kon dangkuḷon kon bonunea. Sia in nogukur kon bonawang toḷatan tatua, bo ukurannea in notongkai in bonawang mita kon dotá in ḷuai.

YEHEZKIEL 40:32

Nopaḷut mako kon tua ḷoḷaki tatua in nodia kon inakó nongin bonawang pomukaan sinumuot kon palas kon dotá in bonunea. Sia in nogukur kon bonawang tatua bo ukurannea in notongkai in bonawang mita ibanea.

YEHEZKIEL 44:4

Onda intua ḷoḷaki tatua nodia kon inakó minayá in bonawang kon dotá in utuan inta noyogintayowan in Baḷoi Tuhan. Sinaridianku mako, bo inontongku in Baḷoi Tuhan tatua kinokoḷubungan in sindar mopouḻi-uḻinag inta nobaḻí tomponuot kon kinoangoian i Tuhan. Bo inumobat in akuoi bo nosundud,

YEHEZKIEL 47:2

Onda intua ḷoḷaki tatua in nodia kon inakó iḻumuai sinumaḻib in bonawang utuan bo nokapit kon inakó minayá in bonawang dotá in pomukaan. Ongkag mointok tatua noiḻig nongin bingkínea kon dotá in toḷatan bonawang tatua.