YEHEZKIEL 40:27 - Alkitab Singog In Mongondow Masa In Tanaa

²⁷ Kon tua in oyúon doman inta mopobayá in dangkuḷon kon bonunea. Ḷoḷaki tatua in nogukur kon koyayú in bonawang doyowa tatua: ḻima nopuḷú nometer.

YEHEZKIEL 40:27 Mawu Ofanana

YEHEZKIEL 40:19

Kon tua oyúon in ngara moḷoben ibanea inta moḷiu monik in ḷantudnea bo inta nopobayá ná dangkuḷon kon bonunea. Ḷoḷaki tatua in nogukur kon koyayú in ngara moḷoben doyowa tatua: ḻima nopuḷú nometer in yayúnea.

YEHEZKIEL 40:23

Noyogintayow in bonawang utuan, oyúon in bonawang ibanea inta nopobayá in dangkuḷon kon bonunea, notongkai inta ná kon dotá in bonawang pomukaan. Intau tatua in nogukur kon koyayú in bonawang tatua: ḻima nopuḷú nometer.

YEHEZKIEL 40:32

Nopaḷut mako kon tua ḷoḷaki tatua in nodia kon inakó nongin bonawang pomukaan sinumuot kon palas kon dotá in bonunea. Sia in nogukur kon bonawang tatua bo ukurannea in notongkai in bonawang mita ibanea.

YEHEZKIEL 40:35

Imbuitnea ḷoḷaki tatua nodia kon inakó minayá in bonawang utuan. Sia in nogukur kon bonawang tatua bo ukurannea in notongkai in bonawang mita ibanea.

YEHEZKIEL 40:44

Onda intua ḷoḷaki tatua in nodia kon inakó minayá in dangkuḷon kon bonunea. Kon tua oyúon in los doyowa, tobatú in kon sí in bonawang utuan bo noitayow in toḷatan, bo inta tobatú doman in kon sí in bonawang toḷatan bo noitayow in utuan.

YEHEZKIEL 40:47

Ḷoḷaki tatua in nogukur kon dangkuḷon kon bonunea. Notonggopat intua: kobanat bo kooḷadnea in toḷoḻima nopuḷú nometer. Baḷoi Tuhan tua in kon dotá in toyopan, bo kon tayowonnea oyúon in mezbah tobatú.