YEHEZKIEL 40:17 - Alkitab Singog In Mongondow Masa In Tanaa

¹⁷ Onda intua ḷoḷaki tatua nodia kon inakó nongin ngara kon dangkuḷon kon ḷuai in Baḷoi Tuhan. Kon sí in dinding ḷuainea kon ḻibumai in Baḷoi Tuhan tatua pinosindog in gopot toḷu nopuḷú. Kon tayowon in gopot mita tatua oyúon in taḷog batu

YEHEZKIEL 40:17 Mawu Ofanana

DATU MITA IMITÁNEA 6:5

Noiḻibu kon dotá in tumi in baḷoi tatua, kon dinding kon dotá in ḷuainea pinogaidan kon gopot mita inta iḷunduk. Toḷu noḷunduk, pomuḷoi in toḷunduk koḷantudnea in 2,2 nometer.

DATU MITA 2 23:11

Bayongan in kabaḷo inta ain sinontaní in datu mita in Yohuda sin pakéon posumbaan kon mata in singgai in iḷumbú, bo kereta mita inta pinaké kon posumbaan tua in sinubá doman. (Kereta mita tatua in kon bosí in Baḷoi Tuhan – kon diug in ngara – diá noyayú nongkon yuang mita pogogutunan i Natan Melekh, pogawai moḷantud tobatú.)

TAWARIKH 1 23:28

Mosia in mustibí mobantung kon imang mita buí i Harun mopobayá in upacara ibada kon Baḷoi Tuhan, moḷukad kon palas mita bo gopot mita kon Baḷoi Tuhan tua, bo moḷukad sinbá bayongan in yagi-yagi inta ain sinantú kon i Tuhan in diá mobaḻí monajis.

TAWARIKH 1 9:26

Táe taya opat inta tongguḷu in moḷoḷukad tatua in mopobayábí in oaidan motantú. Mosia in kitogi totaau kon yuang mita kon Baḷoi Tuhan bo pakakat mita inta sinagú kon tua.

TAWARIKH 2 31:11

Pinodudui kon parenta i datu, mosia in nogaid kon ontag mita kon diugmai in Baḷoi Tuhan,

IḶUAIAN 27:9

“Pomiaaidon kon tampat pooibadaan kon ḻibu in Ḷoḷaigan-Ku inta sinondok in ḻeag nongkon kaeng moaḷus. Kon dotá in toḷatan, ḻeag tatua kobanatnea in 44 nometer,

YEHEZKIEL 10:5

Singog in pongaḻikokaban in kerub mita tatua in kinodongogan nodapot kon palas kon ḷuai, naonda bo singog i Allah inta Totok in mokawasa.

YEHEZKIEL 40:18

inta noiḻibu kon bayongan in dangkuḷon tatua. Dangkuḷon ḷuainea tatua in moompá-ompá nongkon dangkuḷon dotá in bonunea.

YEHEZKIEL 40:38

Kon dangkuḷon kon ḷuai oyúon in gopot tobatú indugangnea kon bonawang bonunea kon dotá in utuan. Nongkon gopot indugangnea tatua oyúon in ngara tobatú inta nopobayá ná yuang moḷoben. Kon tuata in pogingguan kon mahaḷuk mita inta pakéon mobaḻí kuruban payongon.

YEHEZKIEL 40:44

Onda intua ḷoḷaki tatua in nodia kon inakó minayá in dangkuḷon kon bonunea. Kon tua oyúon in los doyowa, tobatú in kon sí in bonawang utuan bo noitayow in toḷatan, bo inta tobatú doman in kon sí in bonawang toḷatan bo noitayow in utuan.

YEHEZKIEL 40:45

Ḷoḷaki tatua in noguman kon inakó kon los inta noitayow in toḷatan tatua in sinadia kon imang mita inta mopobayá in oaidan kon Baḷoi Tuhan,

YEHEZKIEL 40:46

bo los inta noitayow kon utuan sinadia kon imang mita inta mopobayá in oaidannea kon mezbah. Bayongan in imang tatua musti nongkon buí mita i Zadok. Sin nongkon suku i Lewi tongábí buí i Zadok in motaau mayá tumayow kon i Tuhan sin mogundoi kon i-Nia kon ibada.

YEHEZKIEL 41:6

Gopot mita tatua in tumototoḷu noḷandakan bo kon pomuḷoi in toḷandakan tumototoḷu nopuḷú in gopot. Dinding dotá in ḷuai kon batúan in ḷandakan in monipi-nipit nongkon dinding inta kon ḻimonagannea, dá gopot mita tatua in motaau ingguputan in ḷandakannea diá bidon bain momubú bui kon dinding in Baḷoi i Tuhan tatua.

YEHEZKIEL 42:1

Onda intua ḷoḷaki tatua in nodia kon inakó minayá in dangkuḷon dotá in ḷuai bo kinapitnea in akuoi minayá in baḷoi ibanea kon dotá in utuan kon Baḷoi Tuhan, diá noyayú nongkon baḷoi moḷoben kon dotá in toyopan kon Baḷoi Tuhan tatua.

YEHEZKIEL 42:3

Sí tobatú in baḷoi tatua in noitayow kon dangkuḷon inta kooḷadnea in mopuḷú nometer tatua, bo sínea ibanea noitayow kon taḷog batu kon dangkuḷon kon ḷuai. Baḷoi tatua in toḷu noḷandakan; kon pomuḷoi in ḷandakan in mointo-intok nongkon ḷandakan inta kon ḻimonagannea.

YEHEZKIEL 42:4

Kon tayowon in gopot mita tatua, kon dotá in bonunea oyúon in lorong inta kooḷadnea in ḻima nometer bo kobanatnea in ḻima nopuḷú nometer. Ngaranea mita in noitayow kon utuan.

YEHEZKIEL 44:1

Onda intua ḷoḷaki tatua in nokapit kon inakó bui minayá in bonawang kon ḷuai kon dotá in pomukaan nongkon Baḷoi Tuhan. Bonawang tatua in noiḻingkop,

YEHEZKIEL 45:5

Tongo botak doman nongkon butá inta kooḷadnea mopuḷú bo doyowa noribu boḻima nogatut nometer bo inta kobanatnea in ḻima noribu nometer in musti sadiaan kon intau mita in Lewi inta nopobayá in oaidan monia kon bonu in Baḷoi Tuhan. Kon tua in poposindogan in kotá mita inta motaau pogutunan monia.

YEHEZKIEL 46:21

Onda intua dinianea in akuoi kon pelataran kon ḷuai bo pinoontongnea kon inakó kon sikunea opat tatua, kon batúannea oyúon in pelataran inta mointo-intok, kobanatnea in doyowa nopuḷú nometer bo kooḷadnea in mopuḷú bo ḻima nometer.

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.