YEHEZKIEL 39:8 - Alkitab Singog In Mongondow Masa In Tanaa

⁸ Ki Tuhan Inta Totok in moḷantud in noguman, “Totuu, singgai inta sinangoi-Ku tua in moiangoibí.

YEHEZKIEL 39:8 Mawu Ofanana

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

YEHEZKIEL 33:33

Bayongan inta pinogumanmu tatua in mobaḻíbí, bo aka moiangoidon in wakutunea, kotaauandon monia kon nokoimontandon in nabi tobatú nogutun kon yua-yuak monia.”

YEHEZKIEL 38:17

Kinotaauan bidon kon soaḷ iko dungkuḷmai in muna bidon pinotaau-Ku pinongin mogogundoi-Ku mita nabi mita in Israel? Sinoḷanow bidon monia kon singgai moiduduimai Akuoi in mopotabábí kon intau tobatú sin monubu kon Israel. Akuoi ki Tuhan Inta Totok in moḷantud ain nosingog.”

YEHEZKIEL 39:7

Táe kon yua-yuak in intau in Israel, poniata-Kubí in tangoi-Ku inta motusi, bo tangoi-Ku tatua in diá bidon tamakon bui. Dá kotaauandon in bangusa mita kon Akuoibí in ki Tuhan, Allah inta motusi nongkon Israel.”

YEHEZKIEL 39:9

Intau mita kon kotá in Israel in ḷumuaibí moyo-moyodudui sin mosipun kon pakakat in parang inta ain sinaḷáan, ná kaḻeaw bo kedang, puḷu in piot bo piotnea takin tungkud bobobak. Tua mita in baḻíondon monia kayu podungú, bo tugatbí pakéon pitu notaong intua.

PETRUS 2 3:8

Táe utatku mita, dika koḻiongan monimu in soaḷ tobatú tanaa, “Aka kon tayowon i Tuhan, tosinggai notongkaibí in toribu notaong, bo toribu notaong ná doman onda bo tongá tosinggai, diábí in yoposinea kon tua.”

WAHYU 16:17

Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 21:6

Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.