YEHEZKIEL 39:6 - Alkitab Singog In Mongondow Masa In Tanaa

⁶ Pomuká-Kubí in kopagongan kon butá in Magog bo kon pintad mita, inta pinogutunan in intaunea mita takin pia-pia mako. Dá kotaauandon monia komintan kon Akuoibí in ki Tuhan.

YEHEZKIEL 39:6 Mawu Ofanana

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

YESAYA 66:19

Akuoi in mopoukatdon in tomponuot tobatú kon yua-yuak monia. Tongosilai moyakag kon sigad monia in posaḷamaton-Ku. Mosia in potabá-Ku mayá kon bangusa mita kon butá mita inta moyayú inta diápa kon dodai in onda in nokodongog kon soaḷ Akuoi andeka nokoontong kon kamuliaan bo kawasa-Ku; mayá in Spanyol, Libia, bo Lidia takin momomiot mita inta mongotaná, minayá in Tubal bo Yunani. Mosia in mopohabar in koḷoḷoben in kawasa-Ku kon sigad in bangusa mita tatua.

YEHEZKIEL 30:16

bo kotá tatua in mororiga bidon totok. Totuu, turubon-Kubí in Mesir. Dinding mita in kotá in Tebe in moumpagbí bo kotá tatua in untagonbí in ḷunud.

YEHEZKIEL 30:8

Aka turubon-Ku in Mesir bo moḻimod kon bayongan in totakinnea, yo kotaauandon monia kon Akuoibí in ki Tuhan.

YEHEZKIEL 30:9

Aka singgai tatua moiangoidon, bo Mesir in norimumudon, yo potabá-Kubí mangoi in totabá mita tumakoi kon kapaḷ mita sin mopotaḻikokog kon intau mita in Sudan inta diábí noiraimai kon i monia, dá angoiandon in ondok in mosia. Totuu, singgai tatua in moiangoibí!”

YEHEZKIEL 37:6

Popokompit-Ku bui in ugat bo tapú kon inimu poḷat bakuton-Ku in kuḻit in moiko. Moiko in ogoian-Ku in poginaan dá mobiag. Dá kotaauandon monimu kon Akuoibí in ki Tuhan.”

YEHEZKIEL 38:11

Iko in monantúdon kon monubu kon butá inta diá dininding tatua, inta intaunea mita nogutun takin pia-pia mako bo notompia kon kotá mita inta diá dininding bo diá doman in pakakat mita in parang.

YEHEZKIEL 38:13

Intau mita in Syeba bo Dedan takin mododagang mita kon kotá mita kon butá in Spanyol in moḻibóbí nanaa kon inimu, ‘Degá tongganutanmu in tontaramu tongá makusud mogagow bo mogamá poḷat modia kon buḷawan, saḷaka, bobiagon bo kapunyaan mita, poḷat mogakut kon tua komintan?’ ”

YEHEZKIEL 38:2

“Ei intau ilo-ilow, kutukdon in ki Gog datu moḷoben nongkon butá mita in Mesekh bo ki Tubal kon butá in Magog.

YEHEZKIEL 38:6

Bayongan in intau mobarani nongkon butá mita in Gomer bo Bet-Togarma kon utuan, mayá moyotakinnea, bo nobayong in bangusa ibanea in tumakin doman.

YEHEZKIEL 39:5

Tontara mita tatua in moḷabúbí bo matoi kon gobá mita. Akuoi, ki Tuhan Inta Totok in moḷantud ain nosingog.

AMOS 1:10

Tuamai in potabá-Kubí mangoi in tuḷú kon dinding mita in Tirus bo momokak kon bayongan in bentengnea.”

AMOS 1:4

Tuamai in potabá-Kubí mangoi in tuḷú kon komaḻig i Datu Hazael, bo momokak kon bayongan in benteng i Datu Benhadad.

AMOS 1:7

Tuamai in potabá-Kubí mangoi in tuḷú kon dinding mita in Gaza, bo momokak kon bayongan in bentengnea mita.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

WAHYU 20:8

bo sia in maya-mayá mako monguboḷ kon bayongan in bangusa inta noibaya-bayá mako kon dunia naa, tuata inta kon Gog bo Magog. Sipunon in Ibilis in mosia sin moparang, mobayong totok in mosia naonda bo bungaion kon dagat.

WAHYU 20:9

Dá mosia irumangkap kon bayongan in dunia bodongka nongopung kon ḷoḷaigan in umat i Allah bo kon kotá inta kinotabi i Allah. Táe tuḷu in noponag nongkon ḷangit bo nomokak kon i monia.

HAKIM MITA 18:7

Nopaḷut mako kon tua taya ḻima tua minayá in Lais. Kon tua nonaridimai in mosia kon intau mita inta nogutun kon tua. Noniata magí kobobiag in intau mita in Lais tatua naonda bo kobobiag in bangusa in Sidon. Umpakabí noitontaní in mosia, bo noyayú nongkon bangusa in Sidon, mosia tua in nobiagbí noaman bo motompia, diá in musung, nooyúon, bo diábí in diá kon i monia.