YEHEZKIEL 39:12 - Alkitab Singog In Mongondow Masa In Tanaa

¹² Pitu nobuḷan in koonggotnea intau mita in Israel mosibuk in moḷobong kon bayongan in intau minatoi sinbá butá tatua diá monajis bui.

YEHEZKIEL 39:12 Mawu Ofanana

YEHEZKIEL 39:11

Ki Tuhan in noguman, “Aka tua mita bo mobaḻí, yo ogoi-Kubí kon i Gog in butá poḷobongan kon Israel, kon Ḷopá Ḷoḷoḷanan inta kon dotá in pomukaan nongkon Laut Mati. Kon tua in ki Gog bo bayongan in tontaranea ḷobongon, bo ḷopá tatua in tangoion ‘Ḷopá in Tontara i Gog’.

YEHEZKIEL 39:14

Naonda in moitaḻibdon in pitu nobuḷan tatua, tongonumai in intau pokiḻibuandon in butá tatua sin motayak kon mayat mita inta noiukatpa mako kon butá, bo aka oyúonpa, yo ḷobongon sin mondarit kon butá tatua nongkon inta monajis.

YEHEZKIEL 39:16

Tua in aidan sinbá butá tatua in modarit nongkon inta monajis. (Kon singgai moiduduimai, kon ḷopá tatua in oyúonbí in kotá inta tangoinea notongkai in Tontara i Gog.)”

PINOGIAPAN 19:11

Intau inta noiḻiai kon mayat mobaḻí monajis kon bonu in pitu nosinggai.

PINOGIAPAN 19:14

Aka intau tobatú minatoi kon bonu in ḷoḷaigan tobatú, dá ki inekabí in kon bonu in ḷoḷaigan tatua andeka inta tumuot kon bonunea, yo mobaḻí monajis kon bonu in pitu nosinggai.

PINOGIAPAN 19:16

Bayongan in intau inta kinoḻiaian in mayat in intau inta minatoi iḻimod, andeka inta minatoi monag naníon kon gobá, mobaḻí monajis kon bonu in pitu nosinggai. Ná doman tua in intau inta noḻiai kon pinoḷobongan andeka tuḷan in intau minatoi.

ULANGAN 21:23

yo mayat tatua in diábí motaau pomayá mako kon tua tonggobii tua, táe mustibí ḷobongon kon singgai doman tua. Mayat inta noibambé mokopoangoi kon kutuk nongkon i Allah kon butá. Dá ḷobongdon in mayat tatua sinbá moiko in diá mokokotor kon butá inta inogoi i Tuhan Allahmu kon inimu.