YEHEZKIEL 38:13 - Alkitab Singog In Mongondow Masa In Tanaa

¹³ Intau mita in Syeba bo Dedan takin mododagang mita kon kotá mita kon butá in Spanyol in moḻibóbí nanaa kon inimu, ‘Degá tongganutanmu in tontaramu tongá makusud mogagow bo mogamá poḷat modia kon buḷawan, saḷaka, bobiagon bo kapunyaan mita, poḷat mogakut kon tua komintan?’ ”

YEHEZKIEL 38:13 Mawu Ofanana

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YEREMIA 15:13

Ki Tuhan in noguman kon inakó, “Akuoi in mopotabábí kon musung sin mogakut kon kaoyúonan bo kapunyaan in umat-ku nobaḻí hukuman kon dosa mita inta ain inaidan monia kon sinangkub in butá.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEREMIA 51:38

Intau in Babel in moganggorbí naonda bo singa, bo monginggoi naonda bo ki adí in singa.

YEHEZKIEL 25:13

Tuamai in potaau-Kudon kon Akuoi in mohukumbí kon Edom bo moḻimod kon bayongan in intau bo mahaḷuk kon tua. Sinangkub in butá tatua, nongkon kotá in Téman modapot kon kotá in Dedan, baḻíon-Ku moingongow totok; rayatnea in matoi kon poparangan.

YEHEZKIEL 27:12

Iko in nopotaḷui in pakakat mita in daganganmu inta mobayong totok tua kon Spanyol, bo inta nobaḻí uboḻinea kon inimu in saḷaka, uatoi, tangat mobudó bo tangat morondí.

YEHEZKIEL 27:15

Intau in Rodus nodagang doman takinmu bo intau mita inta nogutun kon pintad in notaḷui kon pakakat mita inta pinotaḷuimu takin uwaḷa bo kayu moyondí.

YEHEZKIEL 27:20

Intau in Dedan noguboḻi kon pakakatmu mita nomaké in kaeng mita in sabarak.

YEHEZKIEL 27:25

Pakakat mita inta potaḷuimu dinia in kapaḷ dagang inta mongoḷoben mita. Iko in nádon onda bo kapaḷ inta mobogat in datognea, kapaḷ inta iḷumeag kon baḷangon.

YEHEZKIEL 32:2

“Ei intau ilo-ilow, potoingatdon totok kon i datu in Mesir. Potaau in koyow-Ku tanaa kon inia, ‘Iko in tumon naonda bo singa batánea kon sigad in bangusa mita, táe iko in naonda bo bangkeḻé inta mogutun mako kon tubig. Sioḷmu in mokoḷobog bo mokokotor kon bayongan in ongkag.

YOËL 3:8

Ki adí monimu ḷoḷaki bo bobay in potaḷui-Ku kon intau in Yohuda, bo potaḷui bui monia kon i Syeba, butá inta totok in moyayú. Akuoi, ki Tuhan, ain noguman.

ZAKHARIA 11:3

Indongogaidon in amui in pongawasa mita noinggamádon in ponango-nangoian kon i monia! Indongogaidon in ganggor in singa mita kon kayuon; sin nogoguyaatdon in pinogutunan monia kinoouput in Ongkag in Yordan.