YEHEZKIEL 37:9 - Alkitab Singog In Mongondow Masa In Tanaa

⁹ Ki Allah in noguman kon inakó, “Ei intau ilo-ilow, posingogdon kon tompot. Pogumandon kon Akuoi, ki Tuhan Inta Totok in moḷantud nomarenta kon inia sinbá mamangoi nongkon bayongan in tampat, sin mopoirup in tompot poginaan kon bonu in awak mita inta minatoi tatua sinbá mobiag bui in mosia.”

YEHEZKIEL 37:9 Mawu Ofanana

MAZMUR 104:30

Táe aka mosia ogoian-Mu in poginaan, mosia in binaḻí; Iko in nobogoi in kobiagan mobagu kon butá.

DONDONG MOḶANTUD 4:16

Pobangondon, ei tompot in utuan, angoidon, ei tompot in toḷatan! Pogirupdon kon gobáku, sinbá bondunea in kobóan. Igumon mako batoḷ in dodobku mamangoi kon gobánea, bo mokaan kon bungainea mita inta mopia in nanamnea.

YEHEZKIEL 37:14

Akuoi in mopoirupbí in tompot poginaan kon bonu in awak monia sinbá mobiag bui in mosia, bo ogoi-Kudon bui in mosia in mogutun kon butá monia tontaní. Dá kotaauandon monia kon Akuoibí in ki Tuhan. Akuoi ki Tuhan ain nosingog bo notantúbí kon mogaid kon tua.”

YEHEZKIEL 37:4

Bo ki Tuhan nopotabá kon inakó nopotaau in koyow-Nea kon tuḷan mita inta noingkag tatua,

YEHEZKIEL 37:5

“Akuoi ki Tuhan Inta Totok in moḷantud mopoirup in tompot poginaan kon bonu in awakmu sinbá mobiag bui in moiko.

YEHEZKIEL 37:8

Koyogot in akuoi monaridimai kon tua, tuḷan mita tatua momangkoidon ougatan bo mobiag in tapúnea, bodongka monguḻit doman táe awaknea in diápabí mogina.

DANIEL 11:4

Táe kon dodai in koḻimonikdon totok in sia, dodatuannea in mobotak bo mosilai opat notonsilai. Datu mita inta deeman buínea in momarenta mobaḻí toḻiunea, bo mosia in diábí ná koropotnea.

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

ZAKHARIA 6:5

Sia in notubag, “Mosia in nobuat minayá ná opat nopobayáan naonda in namangoi mako kon tayowon i Tuhan inta nomaḻí kon dunia naa.

YOHANES 3:8

Tompot mogirup kon onda in koibognea; kodongogan naton in singognea, táe diábí kotaauan naton mongo nongkon onda in kinoangoiannea bo kon onda in bayáannea. Natua doman in intau inta pinolahir nongkon Roho i Allah.”

WAHYU 10:11

Onda intua akuoi in pinarentaan, “Sinbá buipa mopoyaput magí-mako in habar i Allah soaḷ bangusa mita, negara mita, bahasa mita bo datu mita.”

WAHYU 11:11

Naonda in toḷudon nosinggai kapin, noiangoidon bui in tompot kobiagan nongkon i Allah bo sinumuot bui kon nabi doyowa tatua. Dá mosia in nobangon bo sinimindog, sahingga in bayongan intau inta nokoontong kon i monia inagíandon totok in ondok.