YEHEZKIEL 37:5 - Alkitab Singog In Mongondow Masa In Tanaa

⁵ “Akuoi ki Tuhan Inta Totok in moḷantud mopoirup in tompot poginaan kon bonu in awakmu sinbá mobiag bui in moiko.

YEHEZKIEL 37:5 Mawu Ofanana

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YEHEZKIEL 37:14

Akuoi in mopoirupbí in tompot poginaan kon bonu in awak monia sinbá mobiag bui in mosia, bo ogoi-Kudon bui in mosia in mogutun kon butá monia tontaní. Dá kotaauandon monia kon Akuoibí in ki Tuhan. Akuoi ki Tuhan ain nosingog bo notantúbí kon mogaid kon tua.”

YOHANES 20:22

Nosingog mako natua, Sia in nopoirupdon in tompot-Nea kon i monia bo noguman, “Tarimadon in Roho i Allah.

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

EPESUS 2:5

sahingga in kon wakutu in rohani naton minatoipa, sin popisí in kita diá dinumudui kon ibog i Allah, biniag-Neadon bui in kita noyotakin i Kristus. Tuamai in tongábí lantaran kinopopia in gina i Allah, dá pinosaḷamat-Nea in moiko.

WAHYU 11:11

Naonda in toḷudon nosinggai kapin, noiangoidon bui in tompot kobiagan nongkon i Allah bo sinumuot bui kon nabi doyowa tatua. Dá mosia in nobangon bo sinimindog, sahingga in bayongan intau inta nokoontong kon i monia inagíandon totok in ondok.