YEHEZKIEL 37:16 - Alkitab Singog In Mongondow Masa In Tanaa

¹⁶ “Ei intau ilo-ilow, gamádon in tungkud tobatú bo paisdon in tosingogon mita tanaa kon ḻimonikannea, ‘Dodatuan in Yohuda’. Bo gamá in tungkud tobatú ibanea, bo paisdon kon ḻimonikannea: ‘Dodatuan in Israel’.

YEHEZKIEL 37:16 Mawu Ofanana

TAWARIKH 2 10:17

bo ki Rehabeam in nobaḻí datu tongábí kon butá in Yohuda.

TAWARIKH 2 10:19

Pinangkoi kon tua rayat kon dotá in utuan dodatuan in Israel tantú momarontak kon datu mita buí i Daud.

TAWARIKH 2 15:9

Nobayong in intau in Epraim, Manasye, bo Simeon in dinumugangdon kon i Asa bo nogutun kon butá dodatuan nea, sin inontongdon monia kon ki Tuhan in notuḷung kon inia. Ki Asa in nopotabá kon bayongan in intau tatua takin rayat in Yohuda bo Benyamin

YESAYA 11:13

Dodatuan in Israel in diá bidon mointoi kon Yohuda, bo Yohuda in diá bidon mosaturu kon Israel.

YEHEZKIEL 37:15

Ki Tuhan in noguman bui kon inakó,

ZAKHARIA 11:7

Akuoi, ki Zakharia, inuboḻian in mopopotaḷui mita kon domba sin moḷukad kon domba mita inta ratáan. Oyúon in tungkudku; tobatú in sinangoianku “Totabi” bo tobatú in “Bogotan”. Onda intua akuoi in nomangkoidon noḷukad bo nonompia kon domba mita tatua.