YEHEZKIEL 37:14 - Alkitab Singog In Mongondow Masa In Tanaa

¹⁴ Akuoi in mopoirupbí in tompot poginaan kon bonu in awak monia sinbá mobiag bui in mosia, bo ogoi-Kudon bui in mosia in mogutun kon butá monia tontaní. Dá kotaauandon monia kon Akuoibí in ki Tuhan. Akuoi ki Tuhan ain nosingog bo notantúbí kon mogaid kon tua.”

YEHEZKIEL 37:14 Mawu Ofanana

YESAYA 32:15

Táe komintanpa doman ki Allah in mamangoibí takin kawasa-Nea. Dá padang gurun in mobaḻídon gobá mita inta moḷumbá, bo gobá mita in mobaḻídon naonda bo kayuon.

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.

YEHEZKIEL 17:24

Bayongan in pangkoi in kayu kon butá in monotaaudon kon Akuoibí in ki Tuhan. Pangkoi in kayu inta moḷantud in pupuḷon-Ku; pangkoi in kayu inta moompá in baḻíon-Ku moḷantud moiḷontú. Pangkoi in kayu inta motoḷubú in ingkagan-Kudon; bo pangkoi in kayu inta noingkag in poponubú-Kudon bo momungai. Akuoi, ki Tuhan, ain nosingog, bayongan inta siningog-Ku in mobaḻíbí.”

YEHEZKIEL 22:14

Mokobaḻípa andeka moropotpa degá in iko in mobuat kon ḻimamu naonda in hukumon-Ku mako in iko? Akuoi, ki Tuhan Inta Totok in moḷantud ain nosingog bo Akuoi in mogaidon kon onu in siningog-Ku.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

YEHEZKIEL 36:36

Dá bangusa mita topodiugmai inta oyúonpa, in monotaaudon kon Akuoi, ki Tuhan, ain noposindog bui in kotá mita inta ain norimumud, bo nononggobá bui kon gobá mita inta ain noḷogat. Akuoi, ki Tuhan, ain nosingog bo notantúbí kon mopoaid intua.”

YEHEZKIEL 37:13

Naonda in aidan-Ku mita in tua komintan, umat-Ku in monotaaudon kon Akuoibí in ki Tuhan.

YEHEZKIEL 37:15

Ki Tuhan in noguman bui kon inakó,

YEHEZKIEL 37:6

Popokompit-Ku bui in ugat bo tapú kon inimu poḷat bakuton-Ku in kuḻit in moiko. Moiko in ogoian-Ku in poginaan dá mobiag. Dá kotaauandon monimu kon Akuoibí in ki Tuhan.”

YEHEZKIEL 37:9

Ki Allah in noguman kon inakó, “Ei intau ilo-ilow, posingogdon kon tompot. Pogumandon kon Akuoi, ki Tuhan Inta Totok in moḷantud nomarenta kon inia sinbá mamangoi nongkon bayongan in tampat, sin mopoirup in tompot poginaan kon bonu in awak mita inta minatoi tatua sinbá mobiag bui in mosia.”

YEHEZKIEL 39:29

Akuoi in mopogonúbí in Roho-Ku kon bangusa in Israel, bo diá bidon monaḷámai bui kon i monia. Akuoi, ki Tuhan, Inta Totok in moḷantud ain nosingog.”

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

SURAT I PAULUS KON JAMAAT RUM 8:11

Bo aka Roho i Allah inta ain nomiag bui kon i Kristus nongkon kinopatoian, bo nobiagdon kon ginamu, dá Sia inta ain nomiag bui kon i Kristus tua nongkon kinopatoian tatua, in momiagbí doman kon awakmu inta diá mononoi nion. Sia in mogaid kon tua takin Roho-Nea inta nobiag kon bonu in gina monimu.

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

KORINTUS 1 15:45

Kon bonu in Buk Motusi oyúon in pinais nanaa, “Intau inta muna-munamai in ki Adam, sia in nobaḻí mahaḷuk inta nobiag,” táe ki Adam inta tumi in Rohobí inta nobogoi in kobiagan.