YEHEZKIEL 37:11 - Alkitab Singog In Mongondow Masa In Tanaa

¹¹ Ki Allah in noguman kon inakó, “Ei intau ilo-ilow, tuḷan mita tanaa in nobaḻí tomponuot kon bangusa in Israel. Mosia in mogamui kon mosia in noingkag, diá kokamang bo diá in kobiagan mopia kon singgai moiduduimai.

YEHEZKIEL 37:11 Mawu Ofanana

AYUB 17:15

Kon onda in kamang kon inakó; ki ine in mokoontong kon oyúon in kobobiag mopia kon inakó?

MAZMUR 141:7

Tuḷan mita naton in ponangketbí kon bingkí in poḷoḷobongan naonda bo batu tobatú inta irimumud kon butá.

MAZMUR 31:23

Kon dodai in notoboḻingo kon inakó kamai yo akuoi in iḷumbú bidon i Tuhan kon tayowon-Nea. Táe noniatadon kon ki Tuhan in nokidongogdon kon oigumku kon tungkuḷ in akuoi nokuani kon i-Nia.

MAZMUR 88:16

Nongkon nointokanpamai akuoi nororiga bo sinarap mako in popatoi, moyoyigadon totok in akuoi mobaba kon hukuman-Mu.

MAZMUR 88:5

Akuoi in naondadon bo intau inta moponagdon kon bubú in poḷobongan, intau inta kinodaitandon in ropot

YESAYA 40:27

Dá Israel, nongonu sin iko in mogamuibí, naonda bo ki Tuhan Allahmu in diá nonotaau kon rorigamu? Naonda bo diá indoian-Neamai in kobiaganmu, bo diá noindoimai kon hakmu?

YESAYA 49:14

Táe intau in Yerusalem noguman, “Ki Tuhan in nonaḷámaidon kon i naton, Ki Tuhan naton ain nokoḻiong kon i naton.”

YEREMIA 2:25

Israel, dikabí in iko moribatuk in mogaḷow kon dewa mita, bo dikabí momaḷú in mogoiní kon i monia, sinbá diá tompaḻían in sioḷmu bo moingkag in sigogowmu popisí in morogang. ‘Diá, akuoi in diá bidon mobui,’ gumanmu, ‘sin akuoi in moibog kon dewa mita, bo moibog dumudui kon i monia.’ ”

YEREMIA 31:1

Ki Tuhan in noguman, “Moiangoibí in wakutunea Akuoi mobaḻí Allah in bayongan suku in Israel, bo mosia in mobaḻí umat-Ku.

YEREMIA 32:43

Intau in moguman kon butá tanaa in nobaḻí naonda bo padang gurun inta diá inutunan in intau bo mahaḷuk, bo butá tanaa in noḷabúdon kon ḻima in intau in Babel. Táe Akuoi in moguman kon singgai moiduduimai gobá tudunea in buibí potaḷui kon ḻipú tanaa;

OMBAḶ 3:18

Diádon in kinotonsimboróanku, noinggamádon in kamangku kon i Tuhan.

OMBAḶ 3:54

Tubig in noponik nodapot kon uḷuku, bo kon raianku, – ‘Dapotdon in naa in kobiaganku!’

YEHEZKIEL 33:10

Ki Tuhan in noguman kon inakó, “Ei intau ilo-ilow, potaaudon bui kon intau in Israel in tosingogon monia tanaa, ‘Mororiga totok in gina nami popisí in inuntuan in dosa bo aid moraat nami. Naonda sinbá kami in umuran mobiag?’

YEHEZKIEL 36:10

Dugangan-Kubí in kobayong in umat-Ku Israel. Mosia in mogutunbí kon kotá mita bo bui moposindog in bayongan in apugnea.

YEHEZKIEL 37:16

“Ei intau ilo-ilow, gamádon in tungkud tobatú bo paisdon in tosingogon mita tanaa kon ḻimonikannea, ‘Dodatuan in Yohuda’. Bo gamá in tungkud tobatú ibanea, bo paisdon kon ḻimonikannea: ‘Dodatuan in Israel’.

YEHEZKIEL 37:19

poguman kon i monia, kon Akuoi, ki Tuhan Inta Totok in moḷantud in mogamá kon tungkud inta nobaḻí tomponuot in Israel bo moponoyobatú takin in tungkud inta nobaḻí tomponuot kon Yohuda. Tungkud doyowa tatua in baḻíon-Kudon tobatú bo kadaian-Ku kon bonu in kawasa-Ku.

YEHEZKIEL 39:25

Ki Tuhan Inta Totok in moḷantud in noguman, “Táe tanaa Akuoi in motabi bidon kon umat-Ku Israel buí i Yakub, bo baḻíon-Ku bui in mosia mobiag motompia. Tua in aidan-Ku sinbá tangoi-Ku umuran horomaton.

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!

SURAT I PAULUS KON JAMAAT RUM 11:26

Sahingga in bayongan intau in Yahudi posaḷamatonbí sin kon bonu in Buk Motusi ain pinais nanaa, “Datu Mopoposaḷamat in mamangoi nongkon Sion; Sia in momopatbí kon bayongan aid moraat kon buí i Yakub.

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.

EPESUS 2:1

Tungkuḷ intua, secara rohani moiko in minatoidon, sin binaradosadon bo doí dinumudui kon parenta mita i Allah.