YEHEZKIEL 37:1 - Alkitab Singog In Mongondow Masa In Tanaa

¹ Akuoi kinawasaan i Tuhan, bo Roho-Nea in nodia kon inakó nosiḻig kon ḷopá inta nopuḻing in tuḷan.

YEHEZKIEL 37:1 Mawu Ofanana

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

DATU MITA 2 2:16

bo noguman, “Kami in ḻima nopuḷú in naa, komintan mongoropot. Tuamai, koḻigai in kita mayá motayak kon i Elia ki tuangmu tua. Degá bo Roho i Tuhan in nodiadon kon inia pinobayá in buḷud andeka kon ḷopá, bo sinaḷáan kon tua.” “Dikadon!” tubag i Elisa.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

YEREMIA 7:32

Tuamai, moiangoibí in wakutunea tampat tatua in diá bidon tangoion Topet andeka Ḷopá in Hinom, táe Ḷopá Bidon Pororataan. Butá tatua in mobaḻí bidon butá poḷoḷobongan sin diádon in tampat ibanea.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

YEHEZKIEL 11:24

Kon bonu in oontongon tatua, Roho i Allah nobingkat kon inakó bo dinia bui pinobayá kon intau mita intau iḷumbú kon Babel. Onda intua diádon inontong in oontongon tatua.

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

YEHEZKIEL 3:22

Kinorasaanku in ropot in kinoangoian i Tuhan bo dinongogku in Sia noguman kon inakó, “Pobangondon bo bayádon kon ḷopá. Kon tua Akuoi in mopoyaput in singog kon inimu.”

YEHEZKIEL 33:22

Kon dodai in doḷom kon tungkuḷ in sia namangoi, kawasa i Tuhan namangoidon kon inakó. Dá kon dodai in intau tatua namangoi kon inakó, nokosingogdon in akuoi diádon nobobó.

YEHEZKIEL 37:2

Akuoi dinia i Tuhan noḻibu kon ḷopá tatua, bo inontongku in ḷopá tatua noirarit magí-mako in tuḷan mita inta mobayong totok bo noingkag domandon totok.

YEHEZKIEL 40:1

Kon singgai impuḷúnea kon buḷan imitánea, kon taong indoyowa nopuḷú bo ḻima kon pinoḷumbúan kon inami, mopuḷú bo opat notaong naonda in Yerusalem sinaḷow, kawasa i Tuhan in nongawasa kon inakó, bo dinia-Nea in akuoi minayá.

YEHEZKIEL 43:5

Roho i Tuhan nobingkat kon inakó bo dinianea in akuoi kon dangkuḷon dotá in bonunea; kon tua inontongku in Baḷoi Tuhan inta kinawasa in sindar kinoangoian i Tuhan.

YEHEZKIEL 8:1

Kon singgai iḻimanea kon buḷan inggonomnea kon taong inggonomnea kon sempo in pinoḷumbúan kon inami, itoi mita in intau mita inta iḷumbú kon Yohuda in namangoi kon baḷoiku bo iḻimitú takinku. Bo daḻídon in kawasa i Tuhan Inta Totok in moḷantud nongawasa kon inakó.

YEHEZKIEL 8:3

Sia in nopotonggó in naonda bo ḻima, bo norambun kon buokku. Onda intua kon bonu in oontongon tatua, akuoi sinintak in Roho i Allah kinoḷantud namonik in ḷangit bo dinia kon Baḷoi Tuhan kon Yerusalem, kon ngara tumuot kon dangkuḷon inta kon bonunea kon dotá in utuan. Kon tua oyúon in patong berhala inta ain nokopomuká kon torú i Allah.

LUKAS 4:1

Naonda in nobatun mako kon tubig in Ongkag Yordan ki Yesus, Sia kinawasa in Roho i Allah bo dinia minayá in padang gurun.

OUMAN IN RASUL MITA 8:39

Naonda in mosia nobatundon nongkon tubig tatua, daḻídon dinia in Roho i Tuhan in ki Pilipus, sahingga in diádon inontong in pogawai tatua in sia. Dá sia in nogingguputdon kon bobayáannea tatua takin pia in gina.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.