YEHEZKIEL 36:8 - Alkitab Singog In Mongondow Masa In Tanaa

⁸ Táe kon inimu in poguman-Ku ei buḷud mita in Israel, pangkoi mita in kayumu in momoḻimpingbí bo mobogoi in bungai bui kon umat-Ku Israel inta diádon moonggot bo mobui.

YEHEZKIEL 36:8 Mawu Ofanana

MAZMUR 67:6

Igumon mako bangusa mita in modayow kon ini-Mu, o Tuhan, igumon mako bayongan in bangusa mopoyaput in sukur kon ini-Mu.

MAZMUR 85:12

Kososatia in intau in mobiagbí nongkon butá, bo kooadil i Tuhan in moḷongowbí monag nongkon ḷangit.

YESAYA 27:6

Kon singgai moiduduimai, bangusa in Israel in mobaḻídon naonda bo pangkoi in kayu inta nonguakat bo modugang, bo momuḻing kon dunia pongin bungainea mita.

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

YESAYA 4:2

Moiangoibí in wakutunea pomiaan i Tuhan in bayongan pinomuḷa bo pangkoi in kayu mobiag moḷoben bo mogaga kon ḻipú tanaa. Kon singgai tatua intau in Israel inta mosaḷamat in mokorasabí kon pia bo ḷunganga in gina popisí in bungai in pinomuḷa.

YESAYA 65:9

Tongosilai in Intau in Israel nongkon suku in Yohuda in barakatan-Ku, bo buí monia in mokadai kon butá buḷud-Ku. Intau mita inta piniḻí-Ku inta mogundoi kon i-Nakó in mogutunbí kon tua.

YEHEZKIEL 12:25

Akuoi, ki Tuhan Inta Totok in moḷantud in mosingog kon bangusa in Israel, bo bayongan inta siningog-Ku in notantú bidon kon mobaḻí, bo diá bidon baḷú-baḷuian bui. Indongogaidon, ei intau mita momomarontak! Tungkuḷ in nobiagpa in iko yo aidan-Kudon in bayongan inta pinotoingat-Ku kon inimu. Akuoi, ki Tuhan Inta Totok in moḷantud ain nosingog.”

YEHEZKIEL 17:23

Kon buḷud inta totok in moḷantud, pomuḷaan-Ku in sia. Kon tua monokat in sia, bo momungai, bo mobaḻídon pangkoi in ḷokuyú inta mobambar totok. Bayongan in ḷagapan in monompugadbí kon tua bo moniung kon siungonnea.

YEHEZKIEL 36:7

Akuoi, ki Tuhan Inta Totok in moḷantud in mongibot kon bangusa mita inta kon diugmu tua in singkuḻeonbí doman.

YOËL 2:22

Ei mahaḷuk mita, dikadon moḻia-ḻiaw in gina. Rawang mita in bonok tanaa in iḷumunowdon. Pangkoi mita in kayu modatog in bungainea, bungai mita in anggur bo ara mobarongdon totok.

YOËL 2:24

Dá gandum in buidon momonu kon tampat pomomugutan; anggur bo ḷana in zaitun in moiḻimpóbí nongkon pomomugutan.

PILIPI 4:5

Pomayádon mako bá ontongondon in bayongan intau in oaidmu inta mopia in gina. Sin diádon moonggot ki Tuhan in mamangoi.

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.