YEHEZKIEL 36:7 - Alkitab Singog In Mongondow Masa In Tanaa

⁷ Akuoi, ki Tuhan Inta Totok in moḷantud in mongibot kon bangusa mita inta kon diugmu tua in singkuḻeonbí doman.

YEHEZKIEL 36:7 Mawu Ofanana

MAZMUR 79:12

O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

YEHEZKIEL 20:5

Poyaputdon in onu inta pinoguman-Ku tanaa. Akuoi in nomiḻídon kon Israel bo nongibotdon kon i monia. Kon Mesir, Akuoi in nokipogontong kon i monia poḷat noguman, ‘Akuoi naa in ki Tuhan Allahmu.’

YEHEZKIEL 36:15

Diá bidon paraḷu in butá tanaa in mokodongog kon singkuḻe in bangusa mita andeka mobaba kon singkuḻe in intau. Butá tanaa in diá bidon moyompat bui kon bangusa inta nogutun kon tua. Akuoi, ki Tuhan Inta Totok in moḷantud ain nosingog.’ ”

YEHEZKIEL 36:8

Táe kon inimu in poguman-Ku ei buḷud mita in Israel, pangkoi mita in kayumu in momoḻimpingbí bo mobogoi in bungai bui kon umat-Ku Israel inta diádon moonggot bo mobui.

ULANGAN 32:40

Podoyon kon i-Nakó tontaní, ki Allah inta nobiag, tonggóon-Ku in ḻima-Ku bo mongibot: