YEHEZKIEL 36:32 - Alkitab Singog In Mongondow Masa In Tanaa

³² Toropdon ei Israel, kon tua komintan i aidan-Kubí táe deemanbí popisí in moiko. Moiko in mustibí mooyá bo moempeng popisí in dodiamu. Akuoi ki Tuhan Inta Totok in moḷantud ain nosingog.’ ”

YEHEZKIEL 36:32 Mawu Ofanana

EZRA 9:6

Akuoi in noguman, “Oo Allahku, akuoi naa in mooyá in dumungá kon tayowon-Mu. Dosa nami in moyo-moyoguntuḷdon kon tudu in uḷu nami noidapotdon in ḷangit.

YEHEZKIEL 16:61

Kotoropanmubí in aidmu mita bo angoian in oyá kon dodai in ki utatmu mita pobuion-Kudon kon inimu. Baḻíon-Ku in mosia naonda bo ki adímu mita, umpakabí intua diá noituot kon dodandian-Ku takinmu.

YEHEZKIEL 16:63

Ampungan-Kubí in bayongan in taḷámu, táe diábí koḻionganmu intua bo angoianbí in oyá in moguman kon onu bo onu in iko. Akuoi ki Tuhan Inta Totok in moḷantud ain nosingog.”

YEHEZKIEL 36:22

Manangka intua, potaaudon in onu inta poguman-Ku, ki Tuhan Inta Totok in moḷantud kon bangusa in Israel, ‘Onu in pomiaan-Ku kon singgai moiduduimai deemanbí popisí in moiko, ei intau mita in Israel, táe popisíbí in tangoi-Ku inta motusi, inta ain kinotor monimu kon ondaka in bayáan monimu.

OUMAN IN RASUL MITA 2:36

Manangka intua bayongan in intau Israel in musti monotaau totok kon ki Yesus inta ain pinopopakú monimu kon kayu pinoyotaḻempang binaḻí bidon i Allah Tuhan bo Datu Mopoposaḷamat!”

SURAT I PAULUS KON JAMAAT RUM 6:21

Kon wakutu intua onu in kauntungan nouḻí monimu kon dodai in nogaid kon soaḷ mita inta tanaa mako mooyádon in moiko mogaid? Aid mita tatua in tongábí modia mayá in popatoi!

TIMOTIUS 2 1:9

Ki Allah in noposaḷamat bo nogoiní kon i naton bá mobaḻí umat inta kinotabi-Nea. Tua in inaidan-Nea, deemanbí pinodoyon kon oaid naton mopia, táe pinodoyon-Neabí kon makusud-Nea tontaní bo totabi-Nea inta pinongin i Kristus Yesus kon wakutupa in dunia naa diápa pinomia.