YEHEZKIEL 36:20 - Alkitab Singog In Mongondow Masa In Tanaa

²⁰ Kon ondakabí in bayáan monia, mosia in umuranbí mopokotormai kon tangoi-Ku inta motusi. Sin intau mita in noguman nanaa, ‘Bangusa tanaa in umat i Allah, táe mosia in mustibí monaḷámai kon butá inta inogoi i Allah kon i monia.’

YEHEZKIEL 36:20 Mawu Ofanana

SAMUEL 2 12:14

Tongá popisí in ki Tuang ain nopoompámai kon i Tuhan pinongin oaid tatua, dá ki adí ḷoḷaki i Tuang inta bagupa pinononggadí tatua in matoibí.”

DATU MITA 2 18:30

Dika mokidongog kon dondouḷugnea kon mogoḷat kon i Tuhan. Dikabí morai kon ki Tuhan in moposaḷamat kon i monimu andeka mogimaḷow kon tontara in Asyur in mogagow kon kotámu.

DATU MITA 2 18:35

Dewa táonda degá inta nokoimontandon nopoḷuat kon butánea nongkon kawasaku? Mokoposaḷamat degá in ki Tuhan kon Yerusalem?’ ”

YESAYA 52:5

Tanaa onu in urusan-Ku kon naa? Intau in Babel nodakop kon i monimu natua mako. Mosia inta nondorot kon i monimu dinumodia bo tantú mopoompámai kon i-Nakó.

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.

YEHEZKIEL 12:16

Tongosilai moyakag kon i monia in posaḷamaton-Ku nongkon parang, nongkon malarat in kaanon, bo nongkon yampoi in takit, sinbá kon yua-yuak in bangusa mita ibanea tatua yo mosia in monotaaudon kon mosia in nogaidon kon inta totok in moromú. Dá akuondon monia kon Akuoibí in ki Tuhan.”

YEHEZKIEL 14:22

Aka kuma bo oyúon in mokoḷagui bo moposaḷamat kon i adínea mita, taridiaidon in mosia aka mosia mamangoi kon inimu. Indoiai naonda in moraat monia, dá kotaauandon monimu kon noitugatbí in aid-Ku mohukum kon Yerusalem.

YEHEZKIEL 39:7

Táe kon yua-yuak in intau in Israel, poniata-Kubí in tangoi-Ku inta motusi, bo tangoi-Ku tatua in diá bidon tamakon bui. Dá kotaauandon in bangusa mita kon Akuoibí in ki Tuhan, Allah inta motusi nongkon Israel.”

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

SURAT I PAULUS KON JAMAAT RUM 2:24

Kon bonu in Buk Motusi pinais nanaa: “Popisí moiko intau mita in Yahudi, dá tangoi i Allah iromu-romúmaidon kon sigad in intau ibanea.”

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”