YEHEZKIEL 36:15 - Alkitab Singog In Mongondow Masa In Tanaa

¹⁵ Diá bidon paraḷu in butá tanaa in mokodongog kon singkuḻe in bangusa mita andeka mobaba kon singkuḻe in intau. Butá tanaa in diá bidon moyompat bui kon bangusa inta nogutun kon tua. Akuoi, ki Tuhan Inta Totok in moḷantud ain nosingog.’ ”

YEHEZKIEL 36:15 Mawu Ofanana

MAZMUR 123:3

Kotabipa kaasí in kami, o Tuhan, kotabipa in kami, sin noiḻiudon in pinononingkuḻe kon inami.

MAZMUR 89:50

O Tuhan, kon ondadon degá in tomponuot in tabi-Mu inta dungkuḷ, inta pinodandi-Mu kon i Daud pinodoyon kon kososatia-Mu?

YESAYA 54:4

Dika moondok, iko in diábí pokopooyáanmai: diábí singkuḻeon bo oyáon. Iko in mokoḻiong bidon kon aidmu inta diá motoindudui kon tungkuḷ noguodpa; diá bidon mokotorop bui kon kaadaanmu saḷaku boba-bobay.

YESAYA 60:14

Adí mita in intau mita inta nondorot kon inimu in mamangoibí tumungkud, inta nokoimontandon noningkuḻe kon inimu in mohoromatbí, iko in tangoionbí ‘Kotá in Tuhan’, ‘Sion, Kotá i Allah Mokudus in Israel’.

YESAYA 63:13

Kon onda in ki Tuhan inta nodia kon i monia minayá nongin tubig inta noḻinow? Naonda bo kabaḷo nongin padang gurun, mosia in diábí kon dodai in onda in noipintud.”

YESAYA 65:19

Akuoi tontaní in mosanangbí popisí in Yerusalem, bo moḷunganga in gina popisí in intaunea. Kon kotá tatua in diá bidon in ombaḷ, bo diá bidon in kuani mokituḷung.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEHEZKIEL 21:28

“Ei intau ilo-ilow, ponoḻindapdon! Potaaudon kon intau in Amon inta ain noningkuḻe kon Israel, kon Akuoi, ki Tuhan Inta Totok in moḷantud in noguman, ‘Kedang tobatú ain sinadia poḻimod, kedang tatua in inatádon nopouḻi-uḻinag naonda bo kilat, sinbá motaaudon poḻimod.

YEHEZKIEL 34:29

Poḷumbaan-Kubí in gobá mita monia dá diá bidon in malarat in kaanon kon butá tatua. Mosia in diá bidon singkuḻeon bui in bangusa mita ibanea.

YEHEZKIEL 36:14

Táe pinangkoi kon tanaa mako butá tanaa in diá bidon mokaan kon intau andeka diádon mogagow kon i adí mita monia. Akuoi ki Tuhan Inta Totok in moḷantud ain nosingog.

YEHEZKIEL 36:16

Ki Tuhan in noguman kon inakó,

YEHEZKIEL 36:7

Akuoi, ki Tuhan Inta Totok in moḷantud in mongibot kon bangusa mita inta kon diugmu tua in singkuḻeonbí doman.

YEHEZKIEL 38:18

Ki Tuhan Inta Totok in moḷantud in noguman, “Táe naonda in ki Gog monubu kon Israel, tumorúbí in Akuoi.

YOËL 2:19

Sia in notubag kon i monia nanaa, “Tanaa in moiko komintan in ogoian-Ku: in gandum, anggur bo ḷana in zaitun sin kaanon, sinbá moiko komintan in pobotugon. Diábí pomayá-Ku mako in singkuḻeon in moiko andeka kosingan in bangusa mita.

ZEPANYA 2:8

Ki Tuhan Inta Totok in mokawasa in noguman, “Dinongog-Kudon in bangusa mita in Moab bo Amon noningkuḻe bo nongempeng kon umat-Ku. Mosia in umambungangaḷ kon mogagow kon butá in umat-Ku.

ZEPANYA 3:15

Sin ki Tuhan in nogogaidon in mohukum kon i monimu; Sia in nopoguntundon in bayongan musungmu. Moiko in iḷukadan i datu in Israel, ki Tuhanmu tontaní. Tanaa moiko in diá bidon paraḷu moondok bui.