YEHEZKIEL 36:14 - Alkitab Singog In Mongondow Masa In Tanaa

¹⁴ Táe pinangkoi kon tanaa mako butá tanaa in diá bidon mokaan kon intau andeka diádon mogagow kon i adí mita monia. Akuoi ki Tuhan Inta Totok in moḷantud ain nosingog.

YEHEZKIEL 36:14 Mawu Ofanana

YESAYA 60:21

Intau mita inta nogutun kon butámu in mogaidbí kon onu inta totuu, mosia in mobaḻíbí kitogi in butá tatua modapot in mononoi. Mosia in naonda bo pinomuḷa inta cinangkok inta pinomuḷa-Ku tontaní, sin moponiata kon kamuliaan-Ku.

YEHEZKIEL 36:13

Akuoi, ki Tuhan Inta Totok in moḷantud in noguman, ‘Totuubí kon butá tanaa in tango-tangoian mokokaan kon intau bo mogogagow kon mongo adí mita – bangusa inta nogutun kon tua.

YEHEZKIEL 36:15

Diá bidon paraḷu in butá tanaa in mokodongog kon singkuḻe in bangusa mita andeka mobaba kon singkuḻe in intau. Butá tanaa in diá bidon moyompat bui kon bangusa inta nogutun kon tua. Akuoi, ki Tuhan Inta Totok in moḷantud ain nosingog.’ ”

AMOS 9:15

Popoutun-Kubí in umat-Ku kon butá inta ain inogoi-Ku kon i monia. Mosia in diá bidon rabuton nongkon tua. Akuoi ki Tuhan Allah monia ain nosingog.”

PINOGIAPAN 13:32

Bo mosia nomangkoidon nongonguman magí-mako kon onu inta diá totuu kon sigad in intau Israel soaḷ butá inta ain sinaridian monia tua. Guman monia, “Butá tatua totok in mokoondok, umpakabí kon i monia inta nogutun kon tua. Intau mita inta inontong nami kon tua totok mongoḷoben in awak monia.