YEHEZKIEL 36:11 - Alkitab Singog In Mongondow Masa In Tanaa

¹¹ Intau mita inta nogutun kon inimu takin bobiagonnea in dugangan-Kubí, dá mobaḻídon mobayong totok mobayo-bayongdon kon inta muna, bo mosia in mononggadí mononggompubí kon mobayong. Mosia in mobiagbí kon tua ná dungkuḷ bo baḻíon-Kudon mobiag mooyúon, ná inta diápa kon dodai in onda in kinoyitakan monimu. Dá kotaauandon monia kon Akuoibí in ki Tuhan.

YEHEZKIEL 36:11 Mawu Ofanana

AYUB 42:12

Ki Ayub in binarakatan i Tuhan kino bayong totok kon ki agat in kinobiagannea, nongkon inta dungkuḷ kon dodai in sia diápa kinoantugan in bodito. Ki Ayub in kodomba bembé 14.000, unta 6.000, sapi 2.000, bo keledai 1.000.

YESAYA 30:26

Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

YEREMIA 23:4

Akuoi in moduíbí kon itoi sin momiag kon i monia. Umat-Ku in diá bidon moondok andeka mourot, diábí tobatúmai in nongkon i monia in mobuḻi. Akuoi, ki Tuhan, ain nosingog.”

YEREMIA 30:18

Ki Tuhan in noguman doman bui: “Moiko, umat-Ku in totabion-Kubí bo poguḻiton-Ku bui in kaadaanmu kon butámu tontaní Yerusalem in posindogonbí bui, bo komaḻignea in tompiaan.

YEREMIA 31:27

Akuoi, ki Tuhan, in noguman kon moiangoibí in wakutunea butá in Israel bo Yohuda puḻingan-Ku in intau bo bobiagon.

YEREMIA 33:12

Ki Tuhan Inta Totok in mokawasa in noguman, “Butá bo kotánea mita inta ná padang gurun tanaa diá inutunan in intau andeka mahaḷuk. Táe umpaka natua, kon singgai moiduduimai oyúonbí in rawang mita in bonok tampat popokaanan in intau kon dombanea mita.

YEHEZKIEL 16:55

Mosia takin ḻipú mita monia in mobaḻí mobiag motompia bui, iko doman takin ḻipúmu mita.

YEHEZKIEL 35:9

Butámu in baḻíon-Ku rawang in kayuon modapot in mononoi, bo kotámu mita in diá bidon pogutunan in intau. Dá kotaauandon monimu kon Akuoibí in ki Tuhan.

YEHEZKIEL 36:35

Dá bayongan in intau mongoherang, popisí in butá tatua inta dungkuḷmai noḷogatdon tanaa in nobaḷuidon nobaḻí taman in Eden, bo kotá mita inta dungkuḷmai noingongow, norimumud bo nobaḻídon apug mita, tanaa in nobaḻídon kotá mita inta notorindog in poḷoḷukadannea bo nosisídon in intaunea.

YEHEZKIEL 37:13

Naonda in aidan-Ku mita in tua komintan, umat-Ku in monotaaudon kon Akuoibí in ki Tuhan.

YEHEZKIEL 37:26

Akuoi in momiabí kon tobatú dodandian takin i monia inta moḷukad kon kobiagan monia inta moodom modapot in mononoi. Barakatan-Kubí bo dugangan in kobayong monia. Kon butá monia tua posindogon-Kubí in Baḷoi-Ku inta mononoi kon tua.

YEHEZKIEL 37:6

Popokompit-Ku bui in ugat bo tapú kon inimu poḷat bakuton-Ku in kuḻit in moiko. Moiko in ogoian-Ku in poginaan dá mobiag. Dá kotaauandon monimu kon Akuoibí in ki Tuhan.”

HOSEA 2:1

Tuamai oiní in tumpaḷa intau takin tangoi “Umat i Allah” bo “Kinotabi i Tuhan.”

HOSEA 2:20

Podudui in dandi-Ku, iko in tonibuḷoion-Kubí. Akuonmubí in Akuoi mobaḻí Tuhanmu tontaní.

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

AMOS 9:15

Popoutun-Kubí in umat-Ku kon butá inta ain inogoi-Ku kon i monia. Mosia in diá bidon rabuton nongkon tua. Akuoi ki Tuhan Allah monia ain nosingog.”

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

ZAKHARIA 10:8

Umat-Ku in oiníon-Ku bo sipunon-Ku tobatúon. Mosia in poḷuaton-Ku bo baḻíon-Ku mobayong ná dungkuḷmai.

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

ULANGAN 30:5

Dá buidon mouḻí monimu in butá inta koḻipod pinogutunan in mogoguyangmu. Bo moiko in baḻíondon mobiag totok motompia, bo baḻíon-Neadon in moiko mobayong moiḻiu kon kobayong in mogoguyangmu.

IBRANI 11:40

sin oyúonbí in tomayá i Allah kon i naton inta mopia-piabí totok nongkon tua. Naa in tomayá-Nea tua, tongábí moyotakin naton, mosia in mobaḻí mosompurna.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.