YEHEZKIEL 35:5 - Alkitab Singog In Mongondow Masa In Tanaa

⁵ Nongkon koḻipodpabímai sinaturu monimu in Israel bo nopomayá mako sinota-totad kon dodai in mosia kinoantugan in bodito saḷaku hukuman imbuitnea popisí in dosa monia.

YEHEZKIEL 35:5 Mawu Ofanana

MAZMUR 137:7

O Tuhan, toropdon in aid mita in intau in Edom kon tungkuḷ in Yerusalem iyompat. Mosia in noguman, “Umpagdon, umpagdon dapot in apadnea mita!”

MAZMUR 63:10

Táe intau mita inta moibog moḻimod kon inakó in moponagbí kon dunia in intau minatoi.

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

YEHEZKIEL 21:25

Bo Akuoi in moguman kon i datu in Israel, ‘Ei datu inta moraat bo binaradosa! Pohukuman imbuitnea kon inimu in nodiugdon.

YEHEZKIEL 21:29

Oontongon inta inontong monimu in diábí totuu oontongon, bo toḻindap inta siningog monimu in diá doman totuu bo uboḷ. Moiko in moraat bo binaradosa, bo wakutu pohukuman kon inimu pangabisan in nodiugdon. Kedang tatua in momongkóbí kon sigogowmu.

YEHEZKIEL 25:12

Ki Tuhan Inta Totok in moḷantud in noguman, “Bangusa in Edom ain nogaid kon taḷá moḷoben popisí in noḻingádon kon Yohuda, saḷaku aid motuḻí kon yaat in gina.

YEHEZKIEL 25:15

Ki Tuhan Inta Totok in moḷantud in noguman, “Intau mita in Pilistin ain notuḻí kon yaat in gina takin noḻingá kon musung mita monia bo noyopú kon i monia takin sakí in gina.

YEHEZKIEL 35:12

Dá kotaauandon monimu kon Akuoi, ki Tuhan, ain nokidongog kon singkuḻemu kon tungkuḷ in moiko noguman: Buḷud mita in Israel noingongowdon bo inogoidon nobaḻí kokaanon naton.

YEHEZKIEL 7:2

“Ei intau inta ilo-ilow, Akuoi, ki Tuhan Inta Totok in moḷantud, in moguman nanaa kon butá in Israel: Naadon in imbuit in ouman kon sinangkub in butá tanaa!”

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

AMOS 1:11

Ki Tuhan in noguman, “Intau in Edom ain nopobui-buimai binaradosa, tuamai in notantú bidon kon hukumon-Ku in mosia. Diá bidon in tabi monia in nonubu kon intau mita in Israel, ki utat mita monia. Mosia in umuran tumorú bo umuran motagú kon gina.

AMOS 1:6

Ki Tuhan in noguman, “Intau in Gaza in nopobui-buimaidon nogaid kon dosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú bo pinotaḷui nobaḻí ata kon intau in Edom.