YEHEZKIEL 34:6 - Alkitab Singog In Mongondow Masa In Tanaa

⁶ Dá domba-Ku mita in minayádon in tombuḷudannea mita inta moḷantud bo kon buḷud mita. Mosia in noibaya-bayá mako kon sinangkub in butá, diábí tobatúmai in intau in nopandungmai bo notayak kon i monia.

YEHEZKIEL 34:6 Mawu Ofanana

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

YESAYA 51:18

Nongkon intau inta nogutun kon inimu diábí in notundú kon daḷanmu, nongkon mogogutunmu diábí in nokapit kon inimu.

YEREMIA 10:21

Akuoi in notubag, “Bodok in itoi mita naton tatua. Mosia in diábí nopoigum in topotundú kon i Tuhan, tuamai in diá in mosia nokodapot kon onu in kinoibog monia, bo kita in noiraritdon magí-mako.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YEREMIA 50:6

Umat-Ku in nádon domba inta pinomayá mako in gombalanea mita noiḷaḻe kon buḷud. Mosia in nodondaḷoi nongkon buḷud tobatú mopobayá in buḷud ibanea bo diádon kinotaauannea monia in baḷoi monia.

YEHEZKIEL 34:7

Yo, gombala mita, indongogai in onu inta potaau-Ku, ki Tuhan Inta Totok in moḷantud kon inimu:

YEHEZKIEL 7:16

Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

HOSEA 7:13

Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

YOËL 3:2

Bayongan in bangusa in sipunon-Ku bo diaan-Ku kon Ḷopá Pohohakiman. Bo sisigan-Ku in mosia kon tua popisí in aid monia moraat kon umat-Ku sin mosia in nosila-silaidon mako kon butá in Israel bo umat-Ku in iḷumbú monia kon butá mita in intau ibanea.

YOHANES 10:16

Oyúonpabí doman in domba-Ku mita ibanea, inta diá noitakin kon paanan in domba tanaa. Mosia tua in mustibí doman diaan-Ku bo mosia in mokidongogbí kon singog-Ku. Mosia komintan in mobaḻí topaanan takin tobatú in gombalanea.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.