YEHEZKIEL 34:3 - Alkitab Singog In Mongondow Masa In Tanaa

³ Susunea in inumon monimu, bubuḷnea in pomiaan monimu ḷambung, bo domba inta totok in moḷongó in ratáan monimu bo kaanon. Diábí kon dodai in onda in tompiaanmai monimu in dombamu mita.

YEHEZKIEL 34:3 Mawu Ofanana

DATU MITA 2 21:16

Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

AMSAL 30:14

Oyúon in intau in motayak kon pakéon pongin aid inta moromú; mosia in moraat bo mogagow kon intau bogá bo intau moyangkó.

YESAYA 1:10

Yerusalem, itoimu mita bo bangusamu ain nobaḻí naonda bo intau in Sodom bo Gomora. Indongogaipa onu inta pinoguman i Tuhan kon inimu; tondudutka onu inta sinundú i Allah naton.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

OMBAḶ 4:13

Táe tua in nobaḻí bidon, popisí in dosa in imang mita bo nabi. Mosia in nopobutakdon in dugú, in intau mita inta diá kotaḷá.

YEHEZKIEL 19:3

Ki adínea tobatú in dinidiknea bo sinundúnea motayak kon kokaanon. Dá nobaḻídon in sia singa inta noḷoben mododomok bo mokokaan kon intau.

YEHEZKIEL 19:6

Ki adí in singa tatua nobaḻídon noḷoben bo noyobayat in singa mita ibanea. Nobalajar in sia notayak kon kokaanon, bo nobaḻídon mokokaan doman kon intau.

AMOS 6:4

Moboditodon in moiko inta nosiug kon ḷantaan inta totok in mogaga bo inta nononbobutungan poḷat noratá kon sapi bo domba batánea!

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

ZAKHARIA 11:16

Sin Akuoi in mopotabábí in gombala tobatú sin moḷukad kon paanan in domba-Ku, táe diábí pandungonneamai in domba inta nobuḻi; diábí tayakonnea in domba inta noiḷangkam, diábí doman mongundam kon domba inta kinekeban, bo diá mopokaan in domba inta nobiagpa. Nodapotbí in siadon tontaní in nokaan kon tapú in domba inta totok in noḷomumu bo norabut kon konuku mita in mahaḷuk tatua.

ZAKHARIA 11:5

Mototaḷuinea mita noḻimod kon domba mita tatua táe diábí ihukum. Mosia inta nopotaḷui in tapú in domba mita tatua in noguman, ‘Dinayo-dayowdon in ki Tuhan! Tanaa in nodugangdon nooyúon in kita!’ Gombala mita tatua in diábí in tabi kon domba mita inta biniag monia.