YEHEZKIEL 34:24 - Alkitab Singog In Mongondow Masa In Tanaa

²⁴ Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 34:24 Mawu Ofanana

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

YESAYA 55:3

Indongogaidon, ei bangusa-Ku, angoidon kon i-Nakó, moiko in ogoian-Ku in kobiagan inta mononoi. Pinodoyon kon tabi bo kososatia inta pinodandi-Ku kon i Daud, Akuoi in notogot kon dandi mononoi takin i monimu.

YESAYA 55:4

Totuubí, sia in baḻíon-Ku itoi bo umpung pongayow, sakusi in kawasa-Ku kon bangusa mita.

YEREMIA 30:21

Datu inta nomarenta kon i monimu in nongkon bangusamu takin diá in ḷamboinea dimiug in sia kon i-Nakó aka oiníon-Ku in sia mamangoi in tayowon-Ku. Sin ki ine in mokobaḻí tumayow kon i-Nakó podudui in ibognea tontaní? Moiko in mobaḻíbí umat-Ku bo Akuoi in mobaḻí Allahmu. Akuoi, Tuhan inta noguman kon tua.”

YEREMIA 30:9

Moiko in mogundoi bidon kon i-Nakó, Tuhan Allahmu, bo kon intau tobatú buí i Daud inta duíon-Ku mobaḻí datu.

YEREMIA 31:1

Ki Tuhan in noguman, “Moiangoibí in wakutunea Akuoi mobaḻí Allah in bayongan suku in Israel, bo mosia in mobaḻí umat-Ku.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:38

Mosia in mobaḻí umat-Ku bo Akuoi in mobaḻí Allah monia.

YEHEZKIEL 20:5

Poyaputdon in onu inta pinoguman-Ku tanaa. Akuoi in nomiḻídon kon Israel bo nongibotdon kon i monia. Kon Mesir, Akuoi in nokipogontong kon i monia poḷat noguman, ‘Akuoi naa in ki Tuhan Allahmu.’

YEHEZKIEL 20:7

Pinoki ḷumbú-Ku kon i monia in patong mita mokorongó inta kinoibog monia tua, bo inimaḷowan-Ku in mosia in moponajis in awak monia pongin mosumba kon berhala mita kon Mesir, sin Akuoibí naa in ki Tuhan Allah monia.

YEHEZKIEL 21:27

Kotá tanaa in rimumudon-Kudon komintan, dá kon ondaka oyúonbí in apug. Táe tua in mobaḻí aka intau inta piniḻí-Ku sin mohukum kon kotá tanaa in moiangoidon. Sia tuata in pobogoian-Ku kon kotá tanaa.’ ”

YEHEZKIEL 36:28

Dá moiko in mogutundon kon butá inta ain inogoi-Ku kon mogoguyangmu. Moiko in mobaḻídon umat-Ku bo Akuoi in mobaḻí ki Allahmu.

YEHEZKIEL 37:22

Mosia in baḻíon-Kudon tongobangusa kon butá tatua, kon buḷud in Israel. Mosia in parentaanbí in datu tobatú, bo diá bidon moyosilai bui mobaḻí doyowa nobangusa andeka dodatuan.

YEHEZKIEL 37:23

Mosia in diá bidon mongotor kon awak monia pongin mogaid kon dosa bo mosumba kon berhala mita inta mokorongó. Poḷuaton-Kudon in mosia nongkon bayongan in totuaḻingan inta nokopopisí kon i monia nonoḻikud kon i-Nakó. Potusion-Ku in mosia; mosia in mobaḻí umat-Ku, bo Akuoi in ki Allah monia.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

YEHEZKIEL 37:27

Akuoi in mogutunbí moyotakin monia, Akuoi in mobaḻíbí Allah monia bo mosia in mobaḻí umat-Ku.

YEHEZKIEL 39:22

Pangkoiondon kon tua intau in Israel monotaaudon kon Akuoibí in ki Tuhan Allah monia.

YEHEZKIEL 44:3

Táe mongongawasa inta nomarenta in motaaubí mayá in bonawang tatua sin mokaan kon kaanon motusi kon tayowon-Ku. Sia in mustibí tumuot mongin yuang moḷoben bo mobui mongin tua doman.”

YEHEZKIEL 45:7

Bo kon mongongawasa inta momarenta in musti doman posadiaan kon butá. Butá tatua in noibontang nongkon sigad kon toyopan in butá inta ain sinantú kon i Tuhan tatua, nodapot kon Dagat Toyuak, bo nongkon sigad kon dotá in pomukaan nongkon butá inta ain sinantú tatua, nodapot in pinosigadan kon dotá in pomukaan kon butá tatua. Dá kobanatnea in notongkai in kobanat in tongosilai in butá inta inogoi kon suku mita in Israel.

YEHEZKIEL 48:21

Butá kon dotá in toyopan bo kon dotá in pomukaan nongkon butá inta ain sinantú inta sinadia kon poposindogan in Baḷoi Tuhan, kon imang mita, intau in Lewi bo kotá tatua, in ogoi kon mongongawasa inta nomarenta. Kon dotá in pomukaan butá tatua noibontang nodapot kon pinosigadan kon dotá in pomukaan, bo kon dotá in toyopan nodapot kon Dagat Toyuak, bo noiḻitú kon sigad in butá in Yohuda bo butá in Benyamin.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

OUMAN IN RASUL MITA 5:31

Ki Yesusbí tua inta ain inogoian ḷoḻitúan bo kawasa moḷantud saḷaku Itoi bo Mopoposaḷamat, sinbá intau in Israel ogoian in wakutu mogogai in mogaid kon dosa, bá ampungan in mosia.

KORINTUS 1 15:25

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.