YEHEZKIEL 34:14 - Alkitab Singog In Mongondow Masa In Tanaa

¹⁴ Totuu, Posadiaan-Kubí in mosia kon rawang mita in bonok inta moḷumbá kon buḷud bo kon ḷopá mita in Israel. Kon tua mogogai in mosia poḷat mokaan kon bonok takin pia-pia mako.

YEHEZKIEL 34:14 Mawu Ofanana

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

YESAYA 25:6

Kon Buḷud in Sion, ki Tuhan Inta Totok in mokawasa in mosadia kon pongaanan in bayongan in intau kon dunia. Inoḷudan-Nea in kaanon inta totok in mopia in nanamnea bo anggur inta piniḻí.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YEREMIA 31:25

Mosia inta moḷopí in poguḻíon-Ku bui, bo inta moḷungkoyó popisí in ginogoi in pobotugon-Ku.

YEHEZKIEL 28:25

Ki Tuhan Inta Totok in moḷantud in noguman, “Sipunon-Kubí in intau mita in Israel nongkon butá mita moyayú kon tampat inta ain pinoporaritan-Ku kon i monia, bo bayongan in bangusa in monotaaudon kon Akuoi in motusi. Bangusa in Israel in mogutunbí bui kon butá monia tontaní, butá inta ain inogoi-Ku kon mogogundoi-Ku ki Yakub.

YEHEZKIEL 28:26

Mosia in mobiagbí moodom kon tua bo moposindog in baḷoi mita bo mononggobá poḷat momuḷa kon anggur. Akuoi in mohukumbí kon bayongan in topodiug monia inta ain noningkuḻe kon i monia, dá Israel in moodomdon. Dá kotaauandon monia kon Akuoibí in ki Tuhan Allah monia.”

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.

YEHEZKIEL 34:26

Barakatan-Kudon in mosia bo ogoi-Ku in mosia mogutun kon diug in tombuḷud-Ku inta motusi. Mosia in ogoian-Ku in uyan aka moibog in mosia.

YEHEZKIEL 34:27

Pangkoi mita in kayu in momungaidon, pinomuḷa mita kon gobá in mobogoidon in bungainea, bo bayongan in intau in mogutunbí moodom kon butánea tontaní. Aka rante pinotogot kon umat-Ku bo botowandon bo mosia in poḷuaton-Kudon nongkon intau mita inta nononggata kon i monia, dá kotaauandon monia kon Akuoibí in ki Tuhan.

YEHEZKIEL 36:12

Umat-Ku Israel, in diaan-Kubí mobui bo mogutun kon butánea bui. Butá tatua in mobaḻídon kapunyaan monia tontaní bo umuran mobogoi in bungainea dá ki adí mita monia in diádon matoi bui in gogoy.’

YEHEZKIEL 36:9

Akuoi in kon dotámu ei Israel, bo tantúon-Kudon kon butámu in pasoḷan bidon bui bo amboran bui in pinomuḷa.

DANIEL 11:24

Pinongin tompobaḻik tubuonnea in butá mita inta mopia kon dodai in intaunea mita nobiag noodom kon tua. Sia in mogaidbí kon onu inta diápa kon dodai in onda in inaidan in mogoguyangnea. Bo sia in mosilaibí magí-mako kon intaunea mita bayongan in pakakat inta inagow bo kaoyúonan inta nouḻínea kon parang. Motayak in sia kon daya in monubu kon tampat mita inta oyúon in sinondok in dinding, táe wakutunea in ḷagidon modait.

PINOGIAPAN 13:18

Taridiaidon mongo naonda in kaadaan butá tatua, indoiai mongo nobarong andeka noyakag in intau nogutun kon tua, moropot mongo noyangkó.

YOHANES 10:9

Akuoibí naa in ḷoḻingkop. Ki ine in tumuot mongin i-Nakó mosaḷamat in sia, sia in tuot ḷuaibí bo mokouḻí kon kaanon.

WAHYU 7:16

Mosia in diá bidon mokorasa kon gogoyon ande moyogang. Mata in singgai ande patúnea in diá bidon mokopokak kon i monia.